الحوار المتمدن
- موبايل
الموقع
الرئيسي
التفرقة والتحدِّيات
جواد القابجي
2013 / 6 / 2الادب والفن
سينتهي مثيروا الطائفية حتما
***********
أبوذيًّه
******
رَغُم حد الغدُر سيفه ++ وسنَّه
شامخ هلوطن يعله ++ وسنَّه
كفايه اللعب بالشيعه ++ وسنِّه
إحنه اعراق شيمه او عاطفيّه
*******
علينه اتْجاوزت لنذال ++ ونعال
وسقط كلمن يِفَرق الشعب ++ ونعال
ارهابي او تثير الشغب ++ ونعال
إبن انعال يالفجِّرت بيَّه
**********
القصيدة
*****
كافي جهاله اوخُبُث ، هلوطن منبيعه
ياللي تريد اللعب عالسنَّه والشيعه
*******
كم فخَّخت وقْتَلِت ! ورجعت للتعداد
شوفه الوطنَّه كُبَر والعدد بيه ازداد
اشما ردت تزرع خُبث ، خبثك ابد مافاد
واللي يخون الوطن ، لتصدِّق انطيعه
********
ذوله احنه كل الزمن بالشده معروفين
نعرف نميِّز شكو ياهو الذي امعادين
منموت ، إحنه الأزل وعْدائنه الميتين
اوقانون اهل الدجل لاتظن تشريعه
********
واوي انتَ فروة أسد دجّال لابسها
هم ننسه كان البصل صدّام خابصها
وساعة الشدَّه فِلَت والحفره شاهدها
ذول انتوا ، دمكم صُبَح بالخسِّه تطبيعه
***********
هذا العراق الأبي والشعب بيه اخوه
ما تنجح التفرقه وفكاركم رَخْوه
سواعد اهلنه شمل ، تلتم وهل نَخوه
ونتُم هباءً شتت ، والصعب تجميعه
***********
jalkabchi @yahoo.com
[email protected]
|
التعليق والتصويت على الموضوع في الموقع الرئيسي
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي
.. لما أم كلثوم من زمن الفن الجميل احنا نتصنف ايه؟! تصريحات م
.. الموسيقى التصويرية لتتر نهاية مسلسل #جودر بطولة النجم #ياسر_
.. علمونا يا أهل غزة... الشاعر التونسي -أنيس شوشان-