الحوار المتمدن - موبايل
الموقع الرئيسي


مساجلات عبر النت والموبايبل

حسين جهيد الحافظ

2013 / 9 / 1
الادب والفن


مساجلة عبر النت والموبايل
1— عبر النت

على صفحة التواصل الإجتماعي الفيسبك كتب الدكتور حامد الشطري
بيتين من الأبوذية ومع الرد عليهما كانت هذه المساجلة
الوكت هم وبـواجى ورثانى
شعل حسبــــات بيه ورثانى
انه الفزعت واحد ور ه ثانى
اخوتى ولاحشيــم الفزع ليه
د. حامد الشطري
عسه خير الوكت يا صاح ورثاك
إو فرح لو ردت ابنك يوم ورثاك
اذا وكتــــــك إبهم إو قهر ورثاك
عــــد عينــــاك أنا عون إو تجيه
حسين جهيد الحافظ
اضعون اهلى تشظت وحشه بيهه
القهر سيف ابهمجتى وحشه بيهه
اديــارى الگبل تزهى وحشه بيهه
إشــــما امرنهه الدمع يغلب عليه
د . حامد الشطري
ضعون اهلي الوكت عتهه واسربيهه
شچ روحـــي أبعضه ناره وأسربيهه
ديار أهلــــــي إلگبل جنه وأسربيهه
بعد عزهــه أصبحت وحشه إو خليه
حسين جهيد الحافظ
2— عبر الموبايل
عبر الموبايل كتب الشاعر مرتضى العبد الله بيت الأبوذية التالي
يمن حبك شكلني .. بي تره إشكال
عليك الهجر يصعب .. بي تره إشكال
نومك موش يمي .. بي تره إشكال
على الأحوط وجوباً تدنه ليه
وعند وصوله الى الشاعر عارف مأمون العبد الله
قال رداً عليه :-
بعد ميفيدني إحزامس .. والأشكال
ألوان الضيم شوفني .. والأشكال
مو بس أخوط أعتيره .. والأشكال
وجوباً يكرب إو يشبك عليه
وبعد نشر هذه المساجلة على الفيسبك
كتبت البيت التالي :-
أشيل الضيم أشده إحزام وأشكال
وعلى الأحوط وجوباً بعد وأشكال
سوالف والزمان أششرب وأشكال
عليهه إتهون بس يجبل عليه

حسين جهيد الحافظ





التعليق والتصويت على الموضوع في الموقع الرئيسي


اخر الافلام

.. من الكويت بروفسور بالهندسة الكيميائية والبيئية يقف لأول مرة


.. الفنان صابر الرباعي في لقاء سابق أحلم بتقديم حفلة في كل بلد




.. الفنانة السودانية هند الطاهر في ضيافة برنامج كافيه شو


.. صباح العربية | على الهواء.. الفنان يزن رزق يرسم صورة باستخدا



.. صباح العربية | من العالم العربي إلى هوليوود.. كوميديا عربية