الحوار المتمدن - موبايل
الموقع الرئيسي


الحقيقة فى سطور ( 2 )

بطرس رشدى جندى

2013 / 9 / 2
كتابات ساخرة


- الشاب لو اتكلم مع بنت ... من تانى مكالمه يقول الجملة الشهيرة ( مش ملاحظه إن أنا وانتى متشابهين فى كل حاجه ) ... خف علينا يا منتخب الصين .

- الزوجة المصرية تقدر تلمح شعرة بنت غيرها على قميص جوزها ... انما لو عملت حادثة بالعربية تقولك والله ما اخدت بالي من العمود .

- البنت كانت عجباك ؟ صحبتها ؟ وهى حبتك بجد ؟ فزهقت منها وسبتها ؟ وكل صحابك قالولك يا ابن اللعبيه ؟ سقفة للقرد .

- اى بوست بينزل على الفيس بوك تلاقى فى الكومنتات واحد كاتب كومنت جامد ومحدش يعبره .. وتلاقى البنت كاتبة ههههههههههههههههههه وتلاقى عليها 20 لايك و50 طلب اضافة و9 رسائل ممكن نتعرف ... هار اسود على على الرجالة .


- البنت لما يجيلها عريس .... تكتب على الفيس يارب وفقني .... تتخطب رسمي ... تنزل صورة دبلتين .... قبل الفرح تحط صورة فستان وبدلة العريس ... تختفى شهر فجاة ... تنط وتكتب ( حسبى الله ونعم الوكيل ) .


- ام العريس لما تروح تشوف العروسه ولقيتها :

* بتضحك : قليلة ادب

* بتبكي : دلعها مرئ

* لو متكلمة ولبقه : بلسانين

* ساكتة : معندهاش شخصية

* بتخرج مع صحابها : صايعه

* دايما قاعدة بالبيت : معقدة

* مطنشاهم : شايفه نفسها على الفاضي ومغرورة

* مستقبلاهم احسن استقبال : هتموت على العريس

يعني ايه الحل دلوقتى ؟ .





التعليق والتصويت على الموضوع في الموقع الرئيسي


اخر الافلام

.. الحكي سوري- رحلة شاب من سجون سوريا إلى صالات السينما الفرنسي

.. تضارب بين الرواية الإيرانية والسردية الأمريكية بشأن الهجوم ع



.. تكريم إلهام شاهين في مهرجان هوليود للفيلم العربي


.. رسميًا.. طرح فيلم السرب فى دور العرض يوم 1 مايو المقبل




.. كل الزوايا - -شرق 12- فيلم مصري يشارك في مسابقة أسبوع المخرج