الحوار المتمدن - موبايل
الموقع الرئيسي


فقط في خريطستان

سرمد علي الجراح

2013 / 9 / 12
كتابات ساخرة


هنالك موقع معروف في الأنترنت يدعى, فقط في..only in..
يجمع عجائب وغرائب دول العالم في صور وتعليقات بما تتفرد به كل دوله.
هناك كم صوره لخريطستان في هذا الموقع, ولكن لو ترجعون للحقيقه, فأن خريطستان تحتاج الى موقع خاص بها وحدها!!
الصور في خانه, الفيديوات في خانه, الأخبار في خانتين (خانه سنه وخانه شيعه)
خانه لصور المخلوقات البرلمانيه!!! لأن مستحيل هذوله من نسل آدم وحواء, لو يدري آدم هيج بشر يطلعون منه, كان كصّه وخله حواء تلطم!!
من وراهم شكّيت بأمنا حواء!! بس ويامن تخونه المسكينه؟؟
تصوروا واحد من المعممين يكلول أمنا حواء كانت منقبه!!! هذا منين يشتري الحشيش؟؟ ماأدري!!
نرجع لمخلوقات البرلمان الحشريه, وفقط في خريطستان, وفقط, جدا كلش وعلى الأطلاق, يطالب الشعب بعدم إعطاء راتب تقاعدي للقمل والقراد!!
يابه ياناس ماتحسون ان مطلبكم غلط بالأساس؟؟ لأن هذوله مايستحقون الراتب اللي الان ياخذوه, ولازم تطلعون مظاهرات تحمل شعار, محاكمه ورجم ودهس ورفس أعضاء البرلمان!!!
فقط في خريطستان, نائب البرلمان مايعرف شنو يعني نائب!!!
يمعود مستر متشر مكشر مكصوص, اذا كان الشعب مكون من قرود, فحضرتك نائب قرود, يعني جنابك أكبر قرد بيهم!! واذا, بعيد عنك, كانوا اوادم, فسعادتك, هم اكبر قرد بيهم!!!
فقط في خريطستان, الكل يحبون الوطن, لكن ماكو سرسري بيهم يحب اخوه المواطن من غير طائفه أو قوميه
وفقط في خريطستان, يطلع اعضاء برلمان يدافعون عن دوله اجنبيه, ويرفعون صور قادتها
فقط في خريطستان, السياسي من يطلع بالتلفزيون مايخجل ولايستحي حتى لو مضروب بمداس ايراني, ومطبوع البروفيل على كصته
فقط في خريطستان, صار مبدلين وزير الكهرباء عشرين مره خلال سنتين!!! والحلو بيهم كلهم يطلعون من الوزاره, خطيه واحدهم يكسر الخاطر, حتى شحن تلفونه خلص وماكو كهرباء!!
وفقط في خريطستان, البرلمان يريد يستجوب وزير, الوزير ينهزم ويشلع بالدخل ومحد يدري وينه؟؟
تره ياجماعه تلكوه لو بلبنان يشرب زحلاوي شرعي ويه الصحابيه باسكال, لو بلندن يحضر جن ولايم على روح الماتوله...
وإلى لقاء اخر من فقط في خريطستان





التعليق والتصويت على الموضوع في الموقع الرئيسي


التعليقات

1 - جن
حمورابي سعيد ( 2013 / 9 / 12 - 18:09 )
خويه سرمد..اشوفك مغشم نفسك ,ليش ما تدري فحولة الجن يمارسون الجنس ويه النسوان الحلوات مثل حواء ؟ اكيد هذوله النوام ابوهم جني . تحياتي

2 - هله بيك هله
يونس حنون ( 2013 / 9 / 12 - 19:18 )
ليش هالشكل عيني سرمد
صارلك 4 اشهر ما كاتب شي
ليش تحرمنا نبرد كلوبنا بهل النسانيس
رغم انه اني هم كنت مقرر الاعتزال ومنقطع نفس المدة بس كنت خال في بالي انه هناك من هو مكفي وموفي
اشو انته هم اختفيت
بس الحمدلله رجعت والعود احمد
وعاشت ايدك على السطرة والجلاق الموجهة نحو مجلس الجريدية وعلى راسهم هذا المطشر المكشر الله لا يلمه
مطشر السامرائي يكول الشعب دايح وذاك عامر الخزاعي وكيل وزير الصحة يعتبر انه من غادر حضرته العراق مابقى شعب ، يعني بعد ان باعوا الاخلاق والغيرة والشرف اثبتوا صحة الهتاف
نواب سنة وشيعة
ابونا هم نبيعه

3 - الحرف ج
سمير فريد ( 2013 / 9 / 16 - 20:17 )
الاستاذ سرمد الجراح المحترم

تحية
هم زين الاستاذ مطشر خرط خرطه قوية خلت الكل تكتب ولعد لو تسمع جبير العساكر من يكول الجماعة يجذبون علية من اطلب منهم تقرير عن الملعونة الوالدين الكهرباء زين عليك يجذبون لعد احنه اشلون واعتقد ان صحة الهتاف الذي هتف به العزيز يونس حنون والذي طلع من بطن الحوت هو
نواب سنة وشيعة
ابونا هم ني......ه....ومن الاصح ان نضع الحرف ج لتكملة القفلة

تحياتي ومحبتي للجميع

اخر الافلام

.. صباح العربية | على الهواء.. الفنان يزن رزق يرسم صورة باستخدا

.. صباح العربية | من العالم العربي إلى هوليوود.. كوميديا عربية




.. -صباح العربية- يلتقي نجوم الفيلم السعودي -شباب البومب- في عر

.. فنان يرسم صورة مذيعة -صباح العربية- بالفراولة




.. كل يوم - الناقد الفني طارق الشناوي يحلل مسلسلات ونجوم رمضان