الحوار المتمدن - موبايل
الموقع الرئيسي


عمر الإنسان بين الإسلام و المسيحية

مهاب مجدى يوسف
()

2013 / 11 / 19
العلمانية، الدين السياسي ونقد الفكر الديني


كام عمر الإنسان على الأرض ؟؟؟

السؤال بصيغة أدق : كم سنة مضت على خلق آدم ؟؟ - بإعتبار أن آدم هو بداية الجنس البشري في الأديان الإبراهيمية –

بصوا بقى .. مافيش نص صريح ( على حسب قرائتي المتواضعة ) بيقول عدد السنين كام بالظبط .. تمام ؟

كل اللى موجود هي دراسات و إجتهادات – ممكن ناس تقبلها و ناس تقول " لع " :D :D


ندخل في الموضوع ؟؟ ... ندخل في الموضوع :)


1 - حسب المسيحية ( و اليهودية بالفعل ) : الفترة تترواح ما بين 6021 سنة الي 7518 سنة تقريبا .. إزاي يا جدع ؟؟؟ :)

بص يا برنس .. بيقعدوا يجمعوا " فلان1 ولد فلان2 و فلان3 " و عاشوا كذا و كذا ...!!!

إزاى ؟؟ راجع سفر التكوين 5 و 11 ... و أخبار الأيام الأول 1 ... و إنجيل لوقا 3 ...

أو ريح نفسك و خد اللبوسة دي هاتجيب من الآخر :] :] :]
http://holy-bible-1.com/articles/display-html/12160

من آدم للمسيح ( فترة تتراوح ما بين 4004 – أو 5501 حسب السبعينة ) -- و المسيح بقاله 2017 سنة .. يبقى مثلاً ما بين 6021 إلى 7518 )

يعني لما نجيب المتوسط مثلاً بيكون 7000 سنة ... أو بالكتير 7500 سنة :] :] :]


=====================================


2 – حسب الإسلام : برضه أكرر مافيش نصوص صريحة --- لكن عندي كام مصدر بسيط

أ - " تاريخ إبن خلدون " الجزء الثاني صفحة 182 – في الموسوعة الشاملة –

نصاً :
فجميع سنى العالم من آدم إلى الهجرة على ما يزعمه اليهود ...... وعلى ما يدعيه النصارى في توراة اليونانيين ...... وأما عند أهل الاسلام فبين آدم ونوح عشرة قرون والقرن مائة سنة وبين نوح وابراهيم كذلك وبين ابراهيم وموسى كذلك ونقله الطبري عن ابن عباس وعن محمد بن عمرو بن واقد الاسلامي عن جماعة من أهل العلم وقال ان الفترة بين عيسى وبين محمد صلى الله عليه وسلم ستمائة سنة ورواه عن سلمان الفارسى وكعب الاحبار والله أعلم بالحق في ذلك والبقاء لله الواحد القهار

خلينا في اللى يهمنا :

من آدم لنوح 1000 سنة
من نوح لإبراهيم 1000 سنة " كذلك "
من إبراهيم لموسى 1000 سنة " كذلك "
باقى عندنا من موسى لـعيسى .....
و من عيسى لرسول الإسلام " محمد " 600 سنة ..

ده كلام تاريخ ابن خلدون ... نشوف الباقي

ب – صحيح ابن حبان ... كتاب التاريخ .. باب بدء الخلق .. حديث رقم 6190
أن رجلا قال : يا رسول الله أنبي كان آدم ؟ قال : ( نعم مكلم ) قال : فكم كان بينه وبين نوح ؟ قال : ( عشرة قرون )
أبو توبة : اسمه الربيع بن نافع
قال شعيب الأرنؤوط : إسناده صحيح

-- و في رواية آخرى في " المستدرك على الصحيحين " .. كتاب التفسير .. من سورة البقرة .. حديث رقم 3039
أن رجلا قال : يا رسول الله أنبي كان آدم ؟ قال : نعم معلم مكلم قال : كم بينه و بين نوح ؟ قال : عشر قرون قال : كم كان بين نوح و إبراهيم ؟ قال : عشر قرون

** يؤكد : بين آدم و نوح 10 قرون = 1000 سنة و بين نوح و إبراهيم 1000 سنة أيضاً

ج – الدر المنثور للإمام السيوطى .. سورة النساء .. آية 164
قال ابن عباس : وبين آدم وبين نوح ألف سنة وبين نوح وإبراهيم ألف سنة وبين إبراهيم وبين موسى سبعمائة سنة وبين موسى وعيسى ألف وخمسمائة سنة وبين عيسى ونبينا ستمائة سنة

** يوكد مابين آدم و نوح - و نوح و إبراهيم –

لكن إختلف فيما بين إبراهيم و موسى و قال إنهم 700 سنة مش 1000 ... هناخد الكتيرة يبقى 1000 :] :] :]

و أضاف إن بين موسى و عيسى 1500 سنة.. و أكد إن اللى بين عيسى و الرسول 600 سنة :]


== تأكيداً تانى لمعلومة إن بين عيسى و الرسول 600 سنة في " صحيح البخاري .. كتاب فضائل الصحابة ... باب إسلام سلمان الفارسي .. حديث رقم 3732 "



كفاية مصادر بقى أنا تعبت بجد :D :D :D

نجمع بقى 1000 ( من آدم لنوح ) + 1000 ( من نوح لإبراهيم ) + 1000 ( من إبراهيم لموسى ) + 1500 ( من موسى لعيسى ) + 2017 ( من عيسى لدلوقتي )

يبقى الناتج 6517 :] :] :]



** بعد ما صدعكتم باقى نقطة واحدة و هي ليه كنا بنقول إن عد السنين من المسيح لدلوقتي 2017 سنة ؟؟؟
https://www.facebook.com/photo.php?fbid=557603330958130




أخر كلمة بقى خالص .... تعبت ؟؟؟؟ حسيت إنك بذلت مجهود ؟؟؟؟؟

خد دي :)
http://fatwa.islamweb.net/fatwa/index.php?page=showfatwa&Option=FatwaId&lang=A&Id=111028


و إلى اللقاء في رخامة أطول ...:] :] :]

الشيخ مُـعاذ ( مهاب )

.
.





التعليق والتصويت على الموضوع في الموقع الرئيسي


التعليقات

1 - هل هذه مقالة أم حدوتة واحد صعيدي
عباس علي ( 2013 / 11 / 23 - 03:15 )
يقول المصرين لولا الصعيدي لكان الحمار غليّ.
يا أمة ضحكت من جهلها ألأمم.
مع التقدير

2 - ما هذا التدليس
الجندي ( 2017 / 9 / 24 - 19:42 )
القرن في العربية لا يعني مئة سنة بل قد يعني جيلا
فمثلا سيدنا نوح علهي السلام ال 950 سنة التي قضاها تعد قرنا واحدا
الخلاصة انه من الصعب ان تحدد عمر الانسان حسب الاسلام وهذا تدليس

اخر الافلام

.. المقاومة الإسلامية في لبنان ترفع من وتيرة عملياتها على الموا

.. أول أيام -الفصح اليهودي-.. القدس ثكنة عسكرية ومستوطنون يقتحم



.. شبكات | مكافآت لمن يذبح قربانه بالأقصى في عيد الفصح اليهودي


.. ماريشال: هل تريدون أوروبا إسلامية أم أوروبا أوروبية؟




.. بعد عزم أمريكا فرض عقوبات عليها.. غالانت يعلن دعمه لكتيبه ني