الحوار المتمدن
- موبايل
الموقع
الرئيسي
أسأله شرعيه في عراق الپلشتيه*
سرمد علي الجراح
2014 / 1 / 4كتابات ساخرة
السؤال الاول للعراقيين: هل هناك شخص افتهم شنو اللي صار وليش وشنو النتائج وماهو الموقف الان, وشستفاد البلد من حملة الانبار المباركه؟؟ ولو احنه متعودين ندخل حروب ماندري ليش بدت ولا شلون انتهت!!
- قامت قوات الجيش العراقي بحمله عسكريه, للقضاء على داعش في الانبار وانهاء الاعتصامات التى تقودها القاعده (هكذا قيل لنا نحن معشر المكبسلين), ثم استدارت ورجعت الى قواعدها بعد ان شاهدنا فديو تحطيم صريفه وخيمه بصاروخ سعره مليون دولار
السؤال: ليش راحت وليش رجعت؟؟ ثم راحت, ثم راح ترجع!! داخله خارجه!! يعني ماهي الفكره أو الستراتيجيه من هل هوسه؟؟ وخصوصا انجازكم في انهاء الاعتصام لم يكن اكثر من لم الزبل؟؟ أما زعماء القاعده فعادوا في اليوم التالي لاحتلال المدن!!
- يصر ويؤكد اهالي ورؤساء عشائر الانبار قبل دخول القوات الحكوميه على عدم وجود القاعده أو داعش في المحافظه
السؤال: منو هذوله اللي احتلوا الرمادي والفلوجه بساعتين؟؟ ومنين اجوا؟؟ وشنو هل قابليه اللي ماكدرت عليها حتى امريكا؟؟ تره احنه صحيح زواج, بس مو لهل درجه يا أخوان!!
- يقاتل ابناء عشائر الانبار لتحرير مدنهم من داعش!! ولو المسرحيه كلش هزليه وعباره عن لعبة ختيله, لكن
السؤال: شنو واجب الجيش العراقي اذا كل واحد يدافع عن نفسه ومسويله جيش, يعني تاليها شلون؟؟
- افتهمنا السنه مايجرعون الشيعه والشيعه مايجرعون السنه
السؤال: ليش باقين ضمن دوله وحده اساسا اذا لا أكو ثقه ولا أكو حب ولا اكو مصالح مشتركه ولا قضيه مشتركه ولاأكو وطن يجمعكم؟؟
- اذا كل محافظه تتصرف على انها دوله مستقله
السؤال: ليش ماتكونون واقعيين وتشوفون صورة حل تضمنون بي مصلحتكم ومستقبلكم وحقن دماء ابنائكم؟
- السيد رئيس وزراء المعدان(حسب توصيف السنه لكم), سؤال خاص لجنابكم
هل تعتقد ان الازمات الداخليه تدار بهذه الطريقه؟؟ ولو انت بالاداره يادوب تكدر تصير كاتب صادره ووارده؟؟
والسؤال الاخر الا يمكن تشكيل مجلس أمن قومي حقيقي؟؟ وهاي ايضا صعبه شويه على العراقيين, لأن المصالح متضاربه, فالسنه أمنهم الحقيقي لازم يكون الخليج والقاعده بظهرهم, والشيعه أمنهم لازم تضمنه ايران والحرس الثوري
- السؤال الاخير لكل اطراف حرب داعش والغبراء من السنه والشيعه: أي كديش بالدنيه يحس في وقت معين, أنو ماكو فائده من العناد وكافي ياكل ضرب صوندات على ظهره, شوكت راح تكولون كافي؟؟؟
پلشتي: في اللهجه العراقيه تعني محتال
|
التعليق والتصويت على الموضوع في الموقع الرئيسي
التعليقات
1 - فلافل تازة ! .. شوية بيها ريحة نفط !
ماجد جمال الدين
(
2014 / 1 / 5 - 06:33
)
الأخ العزيز سرمد !
هذي الفلافل تنفع هواية ، بس إنت ما كلت إنه بيها ريحة نفط ، نفط موعراقي ، على ألأكثر من الخليج القطري ، أو يجوز نفط عراقي ، بس مزور ... أقصد مزور للرضا ونطة هنالك الخُمس .
داعش إتهمتها المعارضة السورية منذ البداية وحتى قبلها في أحداث عين البارد في لبنان أنها مجموعات تابعة للنظم السوري ، وقبل أيام أعلن الجيش الحر أنها تحت سيطرة بشار والمالكي وإيران ..
والعراقيون ليس كلهم زواج .. فقبل سبع سنوات بين مثال الآلوسي بالأسماء والأرقام أن مسلحي القاعدة في الأنبار تمولهم وتسلحهم إيران .. فأثار على نفسه غضب قادة المحاصصة من السنة والشيعة .. طبعا غالبية العراقيين يؤمنون ويقدسون أن الله خلقهم زواجاً ...
كما يقولون الشعب العراقي فسي فساء .. أو بالأحرى لملوم من مختلف ألأقوام والحضارات والعصور .. ولكن محاولة تقسيمه ليست الحل ، فهنالك الكثير من المواد القابلة للإشتعال عدا عن النفط والغاز والفساء بما يكفي لحرق أرضه كلها بنار لن تطفئها أمواه دجلة والفرات ..
ولا أدري إلى متى يبقى الكديش على التلِّ .
شكرا على الفلافل ( الطعمية ) كما يقول المصريون ، تنفخ اكثر من البامية.
تحياتي
2 - الاخ العزيز ماجد
سرمد الجراح
(
2014 / 1 / 6 - 10:23
)
تحيه طيبه, دورات افلام كارتون بيها عبره, نحن شعب توم وجيري, بس بالواقع, الفرق بين افلام كارتون والحقيقه كما تعرف, انو بالكارتون محد يتأذه من صدك, بالحقيقه المره اللي نعيشها انو توم يريد يشرب من دم جيري والعكس صحيح, يعني اذا يريدون يعيشون ويستمرون بالحياة, لازم كل واحد ينحط بقفص!!
تحياتي
.. VODCAST الميادين | مع الشاعر التونسي أنيس شوشان | 2024-03-27
.. إصابة نجل الفنان الراحل فؤاد المهندس إثر حريق داخل شقة
.. فودكاست الميادين| مع الممثل والكاتب والمخرج اللبناني رودني ح
.. كسرة أدهم الشاعر بعد ما فقد أعز أصحابه?? #مليحة
.. أدهم الشاعر يودع زمايله الشهداء في حادث هجوم معبر السلوم الب