الحوار المتمدن
- موبايل
الموقع
الرئيسي
حلم واعي
حسين جهيد الحافظ
2014 / 3 / 18الادب والفن
حلم واعي
الى الخالد الحزب الشيوعي العراقي
بمناسبة عيد ميلاده الثمانين
أحلم !!
تمرني حلم
يجرح وأگلك هات
يابو شفايف عسل
وأعيون نعسانات
يا صوت كلك دفو
شايل غوه إحديثات
متباهي بيك الگمر
وأتزامط النجمات
حسنك قصيدة عشگ
إتنگط وفه إلأبيات
هاك گلبي !
هاك روحي !!
هاك كليّّّ !!!
إعلگني شمع دستات
كل شمعه تضوي إبكتر
يتباهن الشمعات
أيطرزن ليالي العمر
كل العمر ضحكات
للجاي ...
للهسه إجه
للغايب إو للفات
للداس موته إبجدم
ما همته العثرات
عانگت روحه السمه
أو كلمن يگلك مات
چاذب وحگ رايتك
يالبسمك الرايات
رسمت إبچبد السمه
أبدرب النضال آيات
إلچاكوچ شهگة زلم
والمجل إمرايات
علگت رسمك مجد
إبكل شوگ الإولايات
مندور عمري وفه
الجاي كله إلك والفات
تسلم يعمر الوكت
آلاف من العمر
مو بس ثمن عشرات
مو
بس
ثمن
عشراااااااااااات
|
التعليق والتصويت على الموضوع في الموقع الرئيسي
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي
.. لما أم كلثوم من زمن الفن الجميل احنا نتصنف ايه؟! تصريحات م
.. الموسيقى التصويرية لتتر نهاية مسلسل #جودر بطولة النجم #ياسر_
.. علمونا يا أهل غزة... الشاعر التونسي -أنيس شوشان-