الحوار المتمدن
- موبايل
الموقع
الرئيسي
لوكيميات الرحيل الشيوعي
وليم نصار
مؤلف موسيقي ومغني سياسي
(William Nassar)
2014 / 11 / 28
الارهاب, الحرب والسلام
د. وليم نصار*
# رحيل #
كأنو قبل نهاية كل سنة الشيوعيين اللبنانيين عندن موعد مع الموت.....
وقت بيرحل المنحبن .. بيتركولنا ذكرياتن ..بسماتن.. افراحن .. احزانن ..
بيتركولن كل شي بذكرنا فين ..
كيف ما مشينا منصير نشوفن إدامانا ... وين ما تلفتنا بنظرنا منصير نلاقين .....
نحنا الشيوعيين اللبنانيين ... عيلة تعودت عرحيل الاحبة ...
ابتداء بفرج الله الحلو ... نقولا الشاوي ... جورج نصار .. رحمة نصار ... طعان طاهر وعلي طاهر .... الدكتور خالد فوعاني ...وابو حكمت ...
السنة الماضية رحلت ليلي شاهين ... يعقوب الشدراوي .. أنطوان حرب ... كريسنيان غازي ...
هيدي السنة رحلت أوديت نصار ... وجمانة نبوة ... ومخول قاصوف ... وأبو وصفي ... واليو م رحل الفارس النبيل أبو نبال ...
خايف يكون دوري هالسنة وإرحل متل ما غدرنا قلب أنطوان حرب بليلة الميلاد ..
خايف لأني بعرف إنو البموتو مش رح بصيرو نجوم على بدلة الله العسكرية
# حسن اسماعيل #
في هونيك حزن بيرغمك عالكتابة أو الموسيقا .. وفي هونيك حزن بيرغمك إنك تبكي ..
في هونيك حزن بجرّك جر إنك تنام وإيديك مسكرين ... لكن أخطر أنواع الحزن هي إنك تكون بحاجة لصدر حبيبتك ..
بتحط راسك عصدرا تا ترمي همومك فبتلاقيا بنت الحرام شاكة دبوس بالكنزة ...
مش رح إكتئب على إنتحارك يا حسن اسماعيل .. ولا رح بحزن ... يمكن كنت أكتر جرأة مني إنك تقول للدني كس إختك أنا مستخريكي وفالل ...
بس يا رفيق .. كان فيك تبقى شوي ...
شوي زغيري ...
في بعد رفيقات زغار ناطرين ناخدن عالمراجيح ونشتريلن غزل البنات ...
يوم الانت قوصت حالك ... ولدت جوي .. متل كأنا بدا تقلك ... بتوقع ورقة من هالسنديانة .. بينبت غيرا ... ومش رح نخلص .. بل رح نكتر ونكتر ....
أيش كان صاير عليك؟ ليش كنت مستعجل؟
يا رفيق ... بفهم إنك قرفت الوطن .. وقرفت الركض ورا لقمة العيش ... بس ليش بآخر شهر من السنة يا حسن؟
ولك ليش انتحرت يا حسن؟
ولك مش إنت كنت واعدني بسكرة وعشا بس تجي راما؟؟؟ ليش خلفت بوعدك؟؟
ليش قوصت حالك يا عكروت؟؟
افترقنا سنة 1990 .. وعدنا التقينا عند الرفيقة غيفارا بالكافتيريا حد صوت الشعب سنة 2009 ... يومتا إنت عرفتني بس أنا معرفتكش لأنو الشيب غطا راسك وشعراتك صارو خفاف ....
قربت مني وضميتني وصرت تبكي ... يومتا الرفيق نسيم صار يضحك وقال: "كديش وعم يبكي" ... وضحكنا معو ...
ولك يا كديش ليش انتحرت؟
ليش تركتنا لحالنا عم نقرف ...
# جوي #
اليوم رفقاتي أيمن ويسار عطيوني ثمرة حبن وعشقن لبعض ... عطيوني جوي ... بنت أحلى من الملاك.
جوي .. يا رفيقتي الزغيرة ... بتمنالك تكون إيامك على نفس إسمك .. وبتشبه نومة الملايكية ..
بعدني عم إحلم براما ... من الأم الكنعانية ..
يا ريت حدا يناغيلي تنام ...
بدي إحلم براما ...
------------------
* دكتور وليم نصار - مؤلف موسيقي وأكاديمي وناشط شيوعي من لبنان
|
التعليق والتصويت على الموضوع في الموقع الرئيسي
.. صحف فرنسية : -العرجاني من تهريب أسلحة عبر الأنفاق إلى احتكار
.. السعودية.. تنظيم عملية خروج ملايين الحجاج من الحرم المكي تثي
.. غارات إسرائيلية على حلب تقتل أكثر من 40 عسكريا سوريا.. ما ال
.. المرصد السوري: أكبر حصيلة من القتلى العسكريين السوريين في غا
.. شاهد حيلة الشرطة للقبض على لص يقود جرافة عملاقة على طريق سري