الحوار المتمدن
- موبايل
الموقع
الرئيسي
الصورة من بره - علاقات ادم وحوا
رفيق وجيه نصيف
(Rafik Wagih Nassif)
2015 / 4 / 15
العلاقات الجنسية والاسرية
انا مش في المود انهرده
انا مش شايفه منك اننا اولويه اولى في حياتك
عندي صداع
عندي وجع في ضهري
انا جاي تعبان كلن يومي طويل في الشغل
بس ايه شو ... العيال لسه صاحيين
احنا معندناش وقت نشوف فيه بعض
انت ليه مش بتجبلي ورد ياابراهيم
انت ليه في الحفلات بتحلقلي وعينك مبحلقه ادد كده
ليه سلامك ليا لما تشوفني يبقي بوسه
اتهدي بقي
هو مايحلالكيش الحب غير في اخر النهار
كل الجمل دي واكتر وقدها عشرات الجمل اللى بتخلي الشركا يتجنبوا لحظات المتعه
مش شرط الولوج او الممارسه الكامله للحب
اقصد فيه بوس ، لمس ، استخدام الفم او حتي لو علي الحضن بس
طبعا ماننكرش ان كل الاسباب اللى فوق دي حقيقيه جدا ده غير القلق والشد العصبي
كل ده صح بس المصيبه الاكبر في اعتقادنا بالضرورة ان ممارسه الحب يكون فيها ترتيبات خاصه واشباع طرف واحد علي طول علي حساب الطرف التانى وان العنتيل في مده 20 دقيقه الخ من الهري العجيب
مع ان الجنس فيه سحر خاص ،وتعبيريه اكتر ،ومزاجيه مش بالضرورة ولوج ولوج ولوج
وزي لغه الكومبيوتر 1 - 0 برضوا للانسان برامج عقليه بيحتمل الفروق الفرديه المختلفه من كل كائن عن التانى لكن في النهايه لكل كائن حي برنامجه العقلي بقول ده لاننا ممكن نساعد بعض علي اكتشاف الاخر وبالتالى التعامل معاه بشكل اكتر جمالياً وحسياً
وممكن تعدل برنامجه العقلي او تحذف شئ من برنامجه العقلي بس ده صعب شويه ، او تستعير فكره من برنامج عقلي لزميل ليك هههه والله الكلام ده علمي وممكن ترجعوا لفرتز بيرلز "Fritz Perls" او ميلتون اريكسون "Milton Erickson" اوفرجينيا ساتير "Virginia Satir"
المهم
عمرك عمرك يعني جربت ان وانت في انفعال زي الغضب او التعب انك تلمس شريك/ه حياتك في عز ماهو متعصب او غصبان او مضايق ، عارف/ه ليه علشان انت عارف ان اللمسه حتقلب بشعور والشعور حيتحول للمس وممكن حضن وممكن علاقه جنسيه كامله في النهاية
اللى هو في النهاية حتعتبروه اهانه لمواقفكم ومشاكلكم بلا بلا بلا ... هنا الفكره الاساسيه لعقلك هي الربط ، الربط الاكيد بين ان انت رابط ان اللمس يؤدي الي جنس
يااخي/تى ماممكن الاخر مش عاوز علاقه جنسيه كامله عاوز بس مجرد حضن تواصل باللمس مجرد حاله احتوا نفسي بالمادي الملموس مش اكتر اسند ايدك تحت المخده تحت راسه/ها وحط ايدك علي بطنه/ها مجرد حضن بسيط
حاجات زي رومانسيه الكرم ، وحضن الود ، وفرحه اللقا
الحب لفته / نظرة / ايماءه
الرد يكون
" انا عارف انك تعبان/ه هي بوسه حب مش اكتر "
" انا بحب شفايفك ومعنديس طاقه لاكتر من مقابله الشفايف لبعض "
" صحيح احنا معندناش وقت بس احنا مالناش غير بعض "
حتي لما العيال تكون صاحيه مفيش مشكله من لمسه حلوه مداعبه رقيقه ، حضن بسيط ، بوسه فرينش حتي لو قدام العيال بس للحظات قليله
تعالى بالراحه من وراها احضنها وهي بتغسل الصحون والمسها حضن رقيق جميل وتعالى علي نفسك واغسلك كوبيتين او صحن علي الاقل اللى كلت فيه يعني مش علي طول لول
احضنوا والمسوا بعض بشكل مفاجئ
مع بعض حنفهم بعض اكتر
|
التعليق والتصويت على الموضوع في الموقع الرئيسي
.. لوحة بورتريه الأنسة ليسر
.. لعرقلة مشاركتهن في الانتخابات التركية ازدياد حملة الاعتقا
.. في ظل الأزمات الاحتياجات كبيرة والحكومة غائبة
.. التمكين الاقتصادي منفذ المرأة للتخلص من العنف
.. ما هي أبرز الملفات التي تجذب المرأة وتدفعها للتصويت لأحد الم