الحوار المتمدن - موبايل
الموقع الرئيسي


أنا أعمل وزوجتي لا تعمل

جهاد علاونه

2017 / 12 / 1
حقوق المراة ومساواتها الكاملة في كافة المجالات


أنا أعمل وزوجتي لا تعمل
الطبيب المعالج فتح ملفا جديدا وبدأ يسأل المريض: شو هي مشكلتك ؟؟
٠
الزوج:حياتنا كلها ملل وقرف وضغط العمل والتعب٠٠٠٠,أنا أعمل وزوجتي لا تعمل سوى البحلقة في شاشة التلفزيون, مش قادر أحك راسي.

الطبيب المعالج : طيب كويس....شو هي وظيفتك... يعني شو بتشتغل ؟


الزوج : محاسب في بنك ..وعندي 5 موظفين وسكرتيره ترد عالتلفونات.. أنا مسئول عنهم.أنا فقط اتابعهم وأوقع على العقود.


المعالج :طيب كويس شو بدك احسن من هيك؟


الزوج: بس عنجد أنا تعبان جدا.


طيب شو بتشتغل زوجتك ؟

الزوج : ما هي اصلا باعتقادي هذي هي المشكله, لو كانت زوجتي موظفة وبتشتغل كان ساعدتني وشعرت بتعبي, زوجتي لا تعمل مجرد ربة منزل , يعني فاضية أشغال.. !! لما تزوجنا اشترطت عليها أن تبقى في البيت لتربية الأولاد.


المعالج النفسي,يُقلّب بالأوراق ومن ثم ينظر للمريض ويسأله: طيب حلو اكثير مين اللي بصحيك من النوم؟ وأطفالك مين هو اللي بصحيهم على شان يروحوا على مدارسهم ويلبسوا ملابسهم؟ يعني إنت ولا زوجتك؟.. ومن يصنع الفطور لك ولأطفالك في الصباح مين هو؟والشاي والقهوه مين هو؟ اللي بغليهم على الغاز.

الزوج : زوجتي ﻷنها لا تعمل,زوجتي فاضية اشغال ولا تعمل ولا تتعب, تنهض باكرا جدا وأنا أكون في سابع حُلم , وأحيانا اضربها مازحا أذا أيقظتني قبل موعد خروجي من المنزل بساعة.. !!.

المعالج : متى تستيقظ زوجتك من الحُلم؟ أقصد من النوم ....ومتى تستيقظ أنت صباحا ؟.

الزوج : زوجتي في الساعة الخامسة صباحا لأنها فاضيه أشغال ولا تعمل وأنا في الساعة السابعة لأنني أعمل وأتعب وهي التي تُجهز الأولاد للمدارس وتعد لنا الفطور!!!.

الطبيب المعالج :الله يعطيك العافيه, الظاهر إنك بتتعب اكثير, طيب معليش استاذ كمان شوية أسئله ممكن؟.. من يوصل أطفالك للمدرسة ؟


الزوج : زوجتي لأنها لا شغله ولا مشغله وفاضيه لمثل هيك أمور ولا تعمل .. !! أما أنا فعندي دوام وشغل وتعب.

الطبيب المعالج: عندكوا أرض مزروعه؟

الزوج , يأخذ نفسا طويلا ويضع رجلا على رجل ثم يقول: عندنا أرض مزروعة زيتون وقبل أن تسأل من يقطف ثمار الزيتون أقول لك أنها زوجتي لأنها لا تعمل...عشان هذا الزيتون عبارة عن شغل لمدة أسبوعين طوال أيام السنه, هظول هن اللي بتشتغلهن مرتي فقط لا غير, وبتمضيها تشرب قهوه مع الجارات ومع خواتها اللي بيجن يساعدنها.

الطبيب المعالج : بس افراط الزيتونات زوجتك بتشتغل؟ ..... طيب شو اللي بتعمله زوجتك بعد توصيل اﻷطفال للمدرسة ؟ وانت شو اللي بتساويه؟ ها فهمني!!!. ثم يضع الطبيب المعالج يده على ذقنه ويحك الذقن بأصبعه وكله حيرة من أمره.


الزوج : تعود للغسيل وللجلي وللشطف, يعني لشغل الدار, زيها زي أي ست أو زيها زي أي زوجه....وتنظم البيت وتنتظر عوده الأبناء يعني زي ما حكيتلك وحده مش موظفه وما عندهاش شغل شو بدها تعمل؟ّّّ!! .. !! وانا بروح شغلي وأول ما أصل بعمل كاسة قهوه أمريكية وبشربها وبدخن وبعدين بتابع الموظفين وبعدين بتسلى بالحكي مع زملائي والظهر بروح عالبيت ميت من التعب وهلكان, بلاقي زوجتي بتستنى بي على شان تغديني, بتحطلي الغداء وبتعمل الشاي والقهوه وبعدين بفوت الحمام بتحمم وبس اطلع بنام ساعتين, وهي على شانها ما بتشتغلش بتقعد تحرسني من أصوات الأولاد بس يروحوا من المدرسة على شان أضلني نايم, صدقني يا دكتور تعبان جدا من الشغل.

المعالج : في المساء حين عودتك من العمل ماذا تفعل سيدي ؟ وماذا تفعل زوجتك ؟؟

الزوج: زي ما حكيتلك: انا بوكل وبرتكي بتفرج عالتلفزيون أو بنام لقريب غروب الشمس, وبعدين بصحى وبروح على اصحابي بلعب معهم شده حتى منتصف الليل, ومرتي بس ارجع بلقاها سهرانه تستنى بي عشان بس أفوت إتسكر خلفي باب الدار وتحطلي عشاء وتغطيني بس انام, ما هي أصلا ما بتشتغلش..
الطبيب المعالج: لا أنا بدي بالضبط وقت ما بعد الظهيرة بعد ما يرجعوا الأولاد والبنات من مدارسهم.

الزوج : آخذ قسطاً من الراحة بعد الأكل وبعد يوم شاق من العمل .. وزوجتي تشاركهم واجباتهم اليومية : رياضيات-انكليزي-تاريخ-جغرافيا-وسيله تعليمية وصناعتها, ما هي أصلا فاضيه وما بتشتغلش وتوقظني بعد ذلك لشرب الشاي معاً !!!, بشرب وبرجع أنام.


الطبيب المعالج: لا والله انك بتتعب اكثير الله يعطيك العافيه....طيب شو بتساوي أنت وهي بعد ذلك.. يعني شو بتعملوا ؟؟

الزوج : أتصفح أنا الصحف على شبكات التواصل والمواقع الاخبارية وأتابع التلفاز وأخبار العالم وزوجتي تعد العشاء لي وللأطفال ثم تغسل الصحون وتنظف المنزل وتجهز اﻷطفال للنوم .


الطبيب المعالج: طيب هسع زوجتك وين؟


الزوج: هسع زوجتي تركتها تفتح بالمجاري, الله وكيلك المجاري فاضت علينا وعبت المطبخ وقاع الدار, وزوجتي بتفتح فيها عشانها قاعده بدون شغل.


الطبيب المعالج: طيب هسعيات مين منكوا بده دكتور نفسي بنظرك,إنت أم زوجتك؟ مين التعبان بالبيت وبالأولاد وبغسيل الملابس والصحون وصيانة المنزل وتعليم الأولاد, يا رجل حرام عليك بتقول عن زوجتك أنها لا تعمل وهي باليوم بتشتغل 100 شغله: جلايه,غساله,طباخه,خدامة,مديرة منزل,عاملة صيانة,مدرسة خصوصية للأولاد.


وكل هذول بتشتغلهن زوجتك بدون أجر أو راتب شهري ودون ضمان اجتماعي وبدون تأمين صحي وبدون علاوات وبدون حوافز وبدون كلمة شكرا. وكمان بدك منها رومنسية بآخر الليل وتلبسلك على كيف كيفك وبس تزعل منك وبدك تراضيها بنصير تحكيلها :خلص عاد. عاااااد خلص
يلللله عااااد ....ايه خلص فيكينا عاد !!ما قلنا خلص عااااد...يلله خلص
خلص عاد.....عاااااااد خلص ..... خلص خلص ....





التعليق والتصويت على الموضوع في الموقع الرئيسي


التعليقات

1 - تحياتي للرفيق العزيز جهاد
عاطف الكيلاني / الأردن ( 2017 / 12 / 1 - 10:15 )
قكرة المقال ممتازة . اعتقد أن مثل هذه الأمور تجدهل فقط في عوالم التخلّف وليس عند الشعوب المتقدمة التي استطاعت المرأة فيها الحصول على كافة حقوقها المعنوية والمادية . في مجتمعاتنا الذكورية ما زالت الأمور كما هي منذ قرون ، ليس فقط بسبب تعنّت الرجال ، بل أيضا بسبب عدم وجود قيادات نسائية حقيقية تطالب وتكافح وتناضل من أجل حقوق المرأة . جمعياتنا النسائية مسيطر عليها من قبل سيدات المجتمع المخملي وسيدات الصالونات الخاصة بالطيقات المترفة . حصول المرأة على حقوقها لن يكون ( هبة ) من الرجل ، بل هو نتيجة لعملية نضال دؤوبة وقاسية في ظل حركة تحرر وطني ذات طابع تقدمي ... وعندها فقط تستطيع المرأة الحصول على حقوقها كاملة ، أعني انتزاع حقوقها المهيمن عليها والمختطفة من قبل النظام السياسي المتخلّف ومن قبل الرجل أيضا ... لك تحياتي رفيق جهاد

2 - عاطف الكيلاني / الأردن
جهاد علاونه ( 2017 / 12 / 2 - 06:18 )
تحياتي صديقي زماااااااااااان عنك وينك يا رجل, وش هي اخباركم؟0786762077

3 - يقصد بلا تشتغل أي لاتكسب نقوووود
عبد الله اغونان ( 2017 / 12 / 3 - 01:46 )
ماكتفهمش الهضرة ؟

اخر الافلام

.. في حوار لـ-العربية ENGLISH-.. أندرو تيت الملقب بـ-كاره النسا

.. هل يعاني علم المصريات من الاستعمار الثقافي؟ • فرانس 24 / FRA



.. تغير المناخ.. تحد يواجه المرأة العاملة بالقطاع الزراعي


.. الدكتورة سعاد مصطفى تتحدث عن وضع النساء والأطفال في ظل الحرب



.. بدء الانتخابات التمهيدية الخاصة بالمرأة في الحسكة