الحوار المتمدن
- موبايل
الموقع
الرئيسي
الصديق الشيطان
عباس طريم
كاتب - وشاعر
(Abbas Trim)
2020 / 6 / 13
الادب والفن
________
الصديج ,الي يطعنك بالظهر كل يوم .. ومن تجبل عليه ايبوسك ابخدك
ويشوه سمعتك , هيجي دون اسباب .. وشايل دوم رايات الحرب ضدك
وباء اوشر اذا كضك , تعلك بيك .. ومن الصعب مهما اتحاول , ايهدك
هذه العدو ابعينه , لا تظن فد يوم .. من تنخاه ايكلك , صاحبي عدك
وده اتصير ناصي وبالحفر يلكاك .. وانته , ايصير اعله من النجم ودك
المشاكل يشتريهه وهيه جوه الكاع .. ومن تحمه الحديده يلبد ابسدك
موصاحب , عدو , لو شاف عدك ضيج .. يتعذر ويمشي ويتركك وحدك
دوني , وهوه يعرف من تقاس الناس .. ابميزان الخلق والشرف , مو ندك
ياحيف الزباله اتحارش العنوان .. وندريهه ابد ما توصل الحدك
الشرف موعنده , ياما خان بالخوان .. وانته الشهم ,عنوان والشرف عندك
ما معروف جزره , ومده ما معروف ..وانته البحر , واضح جزرك اومدك
يخلط بالهزل جده , ويجرحك بيه .. وانته الطيب كله , ابهزلك اوجدك
كريم انته ونبيل , وهوه كاعه البور .. بخيل , ولو تعنيته ابطلب , ردك
انته الخير, متقدم عله الشر دوم .. من هالمنطلق , هوه اليجي بعدك
اتضحيله ابحياتك , ما تفيد اوياه .. وهوه ايظل هذاك , اليشتغل ضدك
ولك يالخالي , لا من مستحه ولا ذوق.. بالسوري ارد اكلك [ولك شو بدك ]
|
التعليق والتصويت على الموضوع في الموقع الرئيسي
.. فودكاست الميادين| مع الممثل والكاتب والمخرج اللبناني رودني ح
.. كسرة أدهم الشاعر بعد ما فقد أعز أصحابه?? #مليحة
.. أدهم الشاعر يودع زمايله الشهداء في حادث هجوم معبر السلوم الب
.. بعد إيقافه قرر يتفرغ للتمثيل كزبرة يدخل عالم التمثيل بفيلم
.. حديث السوشال | الفنانة -نجوى كرم- تثير الجدل برؤيتها المسيح