الحوار المتمدن - موبايل
الموقع الرئيسي


اسمع .. يالكاظمي

ميسون نعيم الرومي

2020 / 7 / 1
الادب والفن


الشعب اليوم ابصفـَّـك
للطغمه اوبالك تـِـنجـَـر
شعبك سندك بيه اوتعله
الدربـَـك..شهدائه اتنور
سيف الزمن..ابخصرك
لونخيت..انت التخســر
***
وطنك مـِنـْهار انتشلـَه
شـَـعبك يحميك..اوينطر
اتشجع اســرع واتحـَـرر
بالنص لا توگف واتبرر
-(ابناگوط الحـِب) اتقرر ؟
والموت امحاصرنه اويفتر!
***
بـَـرلمان الشـَـر .. اتحِـلـَّه
خنجر..عَ الرگـبه اوينحـَـر
-(مكافحة الأرهاب) ابصفـَّك
صلاحِـيـه انطيه او أأمر
باكـبار الخـَونـَه اوتـبـدي
ازغـَـرهم وقـِـح اتـنـَـمـَّر
***
بالجـَـمع اشـــلع واقـلع
واحـد واحـد .. تـِـتـعـَـوَّر
صعبه البدوه..اونـدري
اهجم باغتهم .. تـِكـبـَـر
-(المركزي) اومزاد العمله
للجاره المليارات ايصدر
***
-(يس او يم) اتضيع اوتدري
احـزاب اتعـَـسـها اتجـَـذَّر
ماضن شـَـعـْـبـَـك يصبـر
اسمع يا لكاظمي واتبصر
لو.. گمر اتصيـر..اتـنـَـوّر
لو..تاريخ اومزبلته..التِـنـّطر
-------------------------------------------
1 / تموز / 2020
ســــــــــــتوكهولم





التعليق والتصويت على الموضوع في الموقع الرئيسي


اخر الافلام

.. شراكة أميركية جزائرية في اللغة الانكليزية


.. نهال عنبر ترد على شائعة اعتزالها الفن: سأظل فى التمثيل لآخر




.. أول ظهور للفنان أحمد عبد العزيز مع شاب ذوى الهمم صاحب واقعة


.. منهم رانيا يوسف وناهد السباعي.. أفلام من قلب غزة تُبــ ــكي




.. اومرحبا يعيد إحياء الموروث الموسيقي الصحراوي بحلة معاصرة