الحوار المتمدن - موبايل
الموقع الرئيسي


چـَـم دوب..؟؟

ميسون نعيم الرومي

2020 / 8 / 11
الادب والفن


بالحايط مسحـْـنـَه الإيد
والعمر شمعاته طفـَـن
شـمعه ابأثـر شـمعه
غابت شمسنه وارحلت
چمدوب الظلم .. والظلمه؟
***
ليوين رايح يا وطن؟
ليوين غارگ بالمحن..
والشعب يسبح .. ابدمه
دولة رعب.. نفس الفلم
بيهه القتل..حرفه اصبحت
والناس .. ما همهه
***
اتبدلت اوجوه اشكثر؟
نفس النهج ع الخسه متعلمه
عصابات اتريست..
تنهب نهب ..للبوگ ممتهنه
تخطف اوتذبح كل وكت
بالموت متحزمه
***
الوطن ينزف يظل
والشعب دمه مانشف
حروب امعدده..جوع او مرض
ايتام او ارامل تنتحب..
تشخص للسمه..
ترجه ابنهه ايسلمه
***
هم گلنه بيه الأمل..!
بلكي اولعل ينصفـنه
يمته يربي نتعظ وانعوف طيبتنه
من قال اوبله ياهو اليجي يخدعنه
نتبرع اوننطي بالفرص
نشبع ظلم .. نحلم ابجنه
***
ولدك تموت واتنذبح
من محنه تدخل محنه
چم دوب گلي يا وطن
تاخذنه چلمه واترد !!
چم دوب الذبح والظلمه
چم دوب..؟؟
-----------------------------------
11 / آب / 2020
ســــــــــــــــــتوكهولم





التعليق والتصويت على الموضوع في الموقع الرئيسي


اخر الافلام

.. فيلم شقو يحافظ على تصدره قائمة الإيراد اليومي ويحصد أمس 4.3


.. فيلم مصرى يشارك فى أسبوع نقاد كان السينمائى الدولى




.. أنا كنت فاكر الصفار في البيض بس????...المعلم هزأ دياب بالأدب

.. شاهد: فنانون أميركيون يرسمون لوحة في بوتشا الأوكرانية تخليدً



.. عوام في بحر الكلام - الفن والتجارة .. أبنة الشاعر حسين السيد