الحوار المتمدن
- موبايل
الموقع
الرئيسي
لواء أركان حرب / آدم عليه السلام
جمال عبد العظيم
2020 / 9 / 14كتابات ساخرة
كثيراً ما أكتب تغريدات ساخرة تنتقد النظام المصري البائس ، ولاحظت أن تعليقات قرائي ومتابعيني على السوشيال ميديا غاية في الروعة والإبداع والسخرية . وتطلق طاقة إيجابية وحالة مرح سياسي نتجاوز بها معا حالة الإحباط التي يصدرها لنا النظام العسكري . لذا قررت نقلها إليكم كما وردت عسى أن تصيبوا حظا من تلك الطاقة الإيجابية . وقد كتبت تغريدة ساخرة في 12 سبتمبر سأنقلها لكم يتبعها تعليقات القراء :
● نص التغريدة :
- " إيه رأيكم أنضم للنظام بالتعريضة دي :
خلق آدم بملابس ضابط بالجيش المصري وكان رتبته لواء أركان حرب / آدم عليه السلام ، ثم خلقت حواء بمعطف أبيض لتصبح هي كبيرة ممرضات الجيش المصري وتزوجا وعاشا في الجنة وأنجبا ضباط مصريين . إلى أن آكلا من شجرة المعصية فهبطا إلى الأرض وبدأوا في إنجاب المدنيين " .
● تعليقات القراء :
1- حافي في زمن الجزم @ZAdESHnFE8PgJVQ : حلــــــــــوه
2- محمد 77 MOHAMED 77
@MOHAMED46558332
إنت بتهزر صح ؟
3- أمة الله
@omimalotfy30
أصل الجماعة المولودين في الجنة بحاجة إلى خدم وهم طبعا الأرضيون .
4 - نور الشمس
@EE2tgZowDL7kaK3
أستااااااااذ … ليست فقط عابرة للقارات … بل عابرة للزمن السحيق .
5 - تمر 1442@kamarkamar99
يعني أنا أبويا لواء أركان حرب ؟ ! عارفين لو حد قالي يا تمر تاني مش هارحمه .. تمر هانم لو سمحتم .
6- حسام الشريف @smsmadam5
طيب لما إنتي أبوكي لواء فين بقى السمك والجمبري ؟ هههههه (الجيش المصري له مزارع سمكية) .
7- جمال عبد العظيم @xbg_l
صحيح أبوكي آدم كان لواء لكن إنت طلعتي لا مؤاخذة مدنية ، حاجة تكسف وعموما ما تنسيش نصيبي في السمك والجمبري .
8 - تمر 1442@kamarkamar99
عيوني يا ريس .
9 - المجنون @9ElMagnon
إنت إسمك تمر ، يعني أكيد قريبة الرئيس بلحة
10- تمر 1442@kamarkamar99
من فضلك أنا إسمي تمر ومش عاوزه تلميحات تربطني بالنظام ، أنا من نخلة محافظة .
11- المجنون @9ElMagnon
أسفين يا أفندم ، النخل إختلط علي
12- حر ومع الأحرار @xddZQsmciys3CeK
اللهم لا حسد يا تمر ، أبوكي لواء حتة واحدة ، يعني ممكن تسافري من إسكندرية لأسوان ببلاش بمجرد ما تقولي للكمساري : جيش وممكن تطلعي إشتراك مدى الحياة ب 50 جنيه
13- يس قلب الأسد @zeSr1K0kHgJE7OZ
لا جامدة يا عم جمال .. دي تعريضة من الشمخ الجواني ولا مصطفى بقري يعرف ينتعها .
14- شهد أحمد @Shaheed60481034
نسيت أهم حاجة يا أستاذ جمال .. إن الإخوان همه اللي طلعوهم من الجنة .
15- جمال عبد العظيم @xbg_l
فعلا تخفى مرشد الإخوان داخل الشجرة المحرمة وراح يوسوس لآدم وحواء حتى آكلا من الشجرة ومن يومها بدأت العداوة بين الضباط والإخوان .
16- أم مصرية @hnann119
هم موسوسين بلا إخوان .
17 - فهمت بس متأخر @NbCu0QBV7Ft3Oo7
ويل للعالم لو "عرض" المثقفون .. عشان هيبقى تعريض محترف .
18- جمال عبد العظيم @xbg_l
بأفكر أبيع التعرضة دي للدكتور / سعد الدين هلال .
19- مي @MayAnwar13
عباس مبسوط من حضرتك جداً ( عباس كامل مدير مكتب الرئيس ) .
20- جمال عبد العظيم @xbg_l
أظن كده أنا أثبت أن التعريض أمر بسيط للغاية وممكن .
21- مي @MayAnwar13
لا يا أستاذ ده فن كبير محتاج موهبة .
22- جمال عبد العظيم @xbg_l
أنا قادر على إنتاج تعريضات جميلة لكن أستحي أن أقولها ، وبأفكر أبيع التعريضة دي للدكتور/
سعد الدين هلال .
23- مي @MayAnwar13
إدي العيش لخبازه ، همه بيبدعوا لأنهم مخلصين وبيقبضوا كويس ، ومبدأهم ألا يكون لهم مبدأ ، حضرتك اللي دخيل عليهم ، من الآخر التعريضة دي مش من قلبك .
24- الكومي @DsmaAmsd
وإبليس المدني هو سبب خروجهم من الجنة .
25- أبو علي (revolutionary)
وأنا بأقول الجيش بيكره الإخوان ليه وبيسميهم جماعة الشيطان ، طلعت بسبب الوسوسة .
26- جمال عبد العظيم @xbg_l
نعم هذا هو أصل العداوة بين الضباط والإخوان حيث هبطوا جميعا من الجنة بعضهم لبعض عدو .
27 - أبو علي (revolutionary)
وقابيل اللي قتل أخوه كان من حماس .
28 - حاتم @Hatem50514264
والله تعريضة متكلفة قوي بس نقول إيه .. قليل البخت . أهو بقري لو جاب نصفها كانوا عملوه رئيس وزراء .
29- جمال عبد العظيم @xbg_l
بأفكر أبيعها لواحد من المعرضين الكبار.
30- شهد Shahed Ahmed
طيب ماتنساش نصيبي ، أنا ساعدتك بالبهارات مش كده ؟
31- جمال عبد العظيم @xbg_l
حقك محفوظ يا شهد ، حأفتح مكتب تعريض وأنت حتساعديني فيه وليكي 10 % .
32 - أبو علي @ali192005
وعاشوا في تبات ونبات وخلفوا سيساوية وسيساويات ، إلى أن جاء عبد الفتاح بلحة الدهول ، وطبعا كانوا مطبعين مع الصهاينة أخوال بلحة .
33 - غريب @gharib955
برافو يا أستاذنا ، هو ده التعريض ولا بلاش .
34 - أحمد السلماني @AhmedAlsalmany_
طيب خد دي ، آدم خلق من طين جاي من مزارع الجيش المصري .
35 - جمال عبد العظيم @xbg_l
آه دي عالية برضه ، وبعدين لا يستطيع أحد نفيها لأن مكان الطين لم يحدد في القرآن ، طيب ما تنضم لي ونعمل شركة تعريض ذات مساهمة محدودة .
36 - أحمد السلماني @AhmedAlsalmany_
لا يا أستاذ الشراكة في كل شئ إلا التعريض ، أومال حنعرض ليه ؟ مش عشان المكافأة تكون لواحد بس .
37 - جمال عبد العظيم @xbg_l
خللي بالك أنا لي معارف كتير بره وممكن لو النظام هنا وقع نطلع نعرض لنظام خليجي ونكسب دهب ، إستفيد من علاقاتي أحسن لك .
38 - غريب @gharib955
تعديل بسيط للتغريدة ، عاشا في الجنة إلى أن آكلا من شجرة الإخوان فطردا منها إلى الأرض
39 - جمال عبد العظيم @xbg_l
نعم ، ومن وسوس لهما كان هو مرشد الإخوان ، نحن المدنيين أبناء الخطيئة .
40 - كمال سيد@KimoHassaan
كده ممكن نشوفك رئيس تحرير المصري اليوم أو اليوم السابع ، مبروك عليك يا ريس .
41 - جمال عبد العظيم @xbg_l
أنا كنت متعشم إن التعريضة دي ممكن تعملني وزيراً للثقافة والتعريض .
42 - يس قلب الأسد @zeSr1K0kHgJE7OZ
يخرب بيت الإبداع .. لأ طبعا مش أقل من رئيس وزراء .
43 - ياسر رفعت @yaserrefaat2
هههههههه تعريضة حلوة فعلا ، إديها لموسى أو الإبراشي حتبقى لايقة عليهم أكتر .
44 - جمال عبد العظيم @xbg_l
أعتقد الأنسب لهذه التعريضة شيخ من إياهم .
45 - الوتد @Elwated50
طيب ممكن أخد معاش بابا آدم مع إني مدنية ؟
46 - جمال عبد العظيم @xbg_l
المدنيين هم أبناء الخطيئة وهم طبقة المنبوذين هنا ، وهؤلاء لا يحصلون على معاش بل إحسان من رجالات القوات المسلحة النورانيين المخلصين الأطهار .
47 - ولد شيخ الغفر جاد الله @Gadallllah
ضحك بطعم البكاء
|
التعليق والتصويت على الموضوع في الموقع الرئيسي
.. فودكاست الميادين| مع الممثل والكاتب والمخرج اللبناني رودني ح
.. كسرة أدهم الشاعر بعد ما فقد أعز أصحابه?? #مليحة
.. أدهم الشاعر يودع زمايله الشهداء في حادث هجوم معبر السلوم الب
.. بعد إيقافه قرر يتفرغ للتمثيل كزبرة يدخل عالم التمثيل بفيلم
.. حديث السوشال | الفنانة -نجوى كرم- تثير الجدل برؤيتها المسيح