الحوار المتمدن - موبايل
الموقع الرئيسي


ابرة الكورونه

ميسون نعيم الرومي

2020 / 12 / 27
الادب والفن


كورونه اللفتنه *(العام) سوتنه طشار
كلمن كرصله ابدار يسمع بالاخبار

يسمع خبر كل يوم يتراجف ايگوم
مايدري وين ايريد يگضيهه بالنوم

ابنومه يحلم بيه طالعله (كوفيد)-
وامشندخ الذرعان كل طـِبـَّـه متفيد

طرگاعه اجت كوفيد وامنين اجانه
هد اوهجم بسـكوت بـَـلوه اوبلانـَـه

تـَعـَّـبـنه (هالكوفيد) ثانـيـله ركبـَه
امحزم علينه احزام (هزلنه) رگبه

امحزم ايموت الناس منهو اللي سوّاه
تهموهه گالو (صين) فيروسه ودّاه

بلوه ابتلينه (الصين) تاكل (خفافيش)-
صرصر اودود الگاع والمچسي بالريش

هـَـب العـِـلـِم هاليـوم يـنـقـِـذ العالم
-(كادر الطبي) انريد كل وكته سالم

و(العالـِـم) ابهاليوم ثروه اوأملنه
كل الوكت سهران ينقذ (كـُـرَتـْـنـَه)*

اخترعوْ (الفاكسين) كل بلد بي نـوع
صار اللغط والگول والوادم اتلوع

واحد يگول اشلون..ما اضرب ابره!
والثاني بـيـه ايـلوم حايـر ابأمـْـرَه

واشتغلت الأقلام كتبت اشـاعـات
-(بتويتر اوفسبوك) علگوْ الرايات

كلمن ضميره ايگـول يتبـَرّع اخبار
صدگ اوچذب اقوال والبشرمحتار

حرنه يربي اشـلون هاذي مصيبه
موت اوخراب ابيوت كلمن نصيبه

قـَـرَّرِت آنـَه اليـوم اضرب الأبره
وادعي على *(الكوفيد) يحترگ أمره

يحيا (العلم) نبراس يضوي ابدربنه
و(العالـِـم) طليعه اليوم شـمعـه ابدربنه
--------------------------------------
*(العام):-السنة الماضية
* كـُـرَتـْـنـَه:- اقصد الكرة الأرضية
*(الكوفيد):-كوفيد19 فايروس الكورونا





التعليق والتصويت على الموضوع في الموقع الرئيسي


اخر الافلام

.. أشرف زكي: أشرف عبد الغفور كان من رموز الفن في مصر والعالم ا

.. المخرج خالد جلال: الفنان أشرف عبد الغفور كان واحدا من أفضل ا



.. شريف منير يروج لشخصيته في فيلم السرب قبل عرضه 1 مايو


.. حفل تا?بين ا?شرف عبد الغفور في المركز القومي بالمسرح




.. في ذكرى رحيله الـ 20 ..الفنان محمود مرسي أحد العلامات البار