الحوار المتمدن
- موبايل
الموقع
الرئيسي
جيشنه الباسل ... بمناسبة الذكرى المئوية لتأسيس الجيش العراقي الباسل اهدي قصيدتي لأبنائه الشجعان
ميسون نعيم الرومي
2021 / 1 / 10الادب والفن
بمناسبة الذكرى المئوية لتأسيس الجيش العراقي الباسل
اهدي قصيدتي لأبنائه الشجعان
جيشنه الباسل
ميسون نعيم الرومي
يا جيش العراقي جيشنه الباسل - ابو(خليل)البطل يا سور..لبلادي
عمرك بالسنين (الميـّه) صار اليوم – يا جيش الصمود اوجيش اجدادي
تاريخك شـهد يا درة التاريخ – يا حامي الوطن سهله وجبل ! وادي
يا جيش العراق
***
يا جيش الشعب يا جيشنه الغالي - يا رمز الوَطـَـنـَّه اوفرحة اعيادي
يبو الغيره اوشهم يالكلك امروّه – يا حامي العراق اوفخر بغدادي
أفراد اومراتب قاده كلهه ابطال – أخي*(عدنان) يبقه الرمز لولادي
يا جيش العراق
***
ابذاك الزمن..الأسّـسوك امجاد – مصلحة الوطن مابيهه احقادي
يا جيش العراق الچان فوگ الفوگ – سيد منطقه اومعدود اعدادي
من حرب الحرب زجوك متقصدين – يــْـوَدّوكْ ابخبث ! رادوك تنقادي
يا جيش العراق
***
يا هيبة وطن واتهابك الجارات – سيف انت اورمح عَ الباغي والبادي
وابحكم الزلم..انت رفيع الشان – مـْو حكم الرعاع اوحكم (الـِمجادي)-
لملوم الإجوْ .. لـَگـّامَه أميـّـين – إيد ابإيد حـَطـّـوْ ..هـُمـَّه اضدادي
يا جيش العراق
***
حكـّام الصِدف (سـَـقـْطِ الـْمـِتاع) اوغاد – تعذيب اوقتل اغلال واصفادي
والغايات هذااليوم مكشوفات – موالين اجنبي..امـْنِ الجاره ! ينقادي
يا فـَخـْر العراق ! الشعب يترجـّاك – (تـِـعـَـلـّي هامـِتـَـك) واتحرّر ابلادي
يا جيش العراق
يا جيش العراق
---------------------------------------------------------------------
*(عدنان):- شقيقي الرائد عدنان نعيم الرومي احد ابطال جيشنا الباسل
--------------------------------------------------------------------------------------------
6 / كانون الثاني / 2021
|
التعليق والتصويت على الموضوع في الموقع الرئيسي
.. فودكاست الميادين| مع الممثل والكاتب والمخرج اللبناني رودني ح
.. كسرة أدهم الشاعر بعد ما فقد أعز أصحابه?? #مليحة
.. أدهم الشاعر يودع زمايله الشهداء في حادث هجوم معبر السلوم الب
.. بعد إيقافه قرر يتفرغ للتمثيل كزبرة يدخل عالم التمثيل بفيلم
.. حديث السوشال | الفنانة -نجوى كرم- تثير الجدل برؤيتها المسيح