الحوار المتمدن - موبايل
الموقع الرئيسي


يا وابور الساعة تناشر

هانى شاكر

2021 / 3 / 29
مواضيع وابحاث سياسية


يا وابور الساعة تناشر ؛ يا مجبل ع الصعيد
كسروك الحرامية ؛ بتوع السكة الحديد
وولادى راحوا ضحية ؛ السرقة و التبديد
وفلوسنا م الصبحية ؛ع تروح لوزير جديد

دا امره كان مباشر ... لكن ماهوش معقول
العالى ينزل واطى .. عكس الحس المقبول
دى بشر ياناس بتسافر ... فى عهدة سواق مسطول
لا دين دا ولا مفهومية ... ولا طهارة فى الايد

مصر ياولداه مريضة ... لا دوا ولا طبيب
و مراكب شاحطة و غارزه .. وامرها عجيب
و مبالغ تملا خزاين .. فى عاصمة التهليب
و عمارة وقعت يابا ... على ناس مالحقوا العيد

ياترى بكرة هايجى ... و هايلاقينا فين
جوعى وغلابة يابا؟ ... و مرضى ع الصفين
و العسكر فى القصور ... لا عين ، ولا ودنين؟
وشيوخ بيدعوا ليهم ... ويلعنوا العبيد

الليل لو طال ظلامه ... مسيره يطلع نور
على مصر جديدة تانية ... وفيها ناس بتثور
تلعن العسكر و ايامه ... و من معاه بيدور
تنزع تياب العار ... فى يوم رَضٌى و سعيد





التعليق والتصويت على الموضوع في الموقع الرئيسي


التعليقات

1 - شاعر قدير ونقد مرير
صباح شقير ( 2021 / 3 / 29 - 15:28 )
تحياتي للشاعر القدير الأستاذ هاني شاكر

ما أجمل أشعارك يا أخونا الفاضل
النقد فيها يحفر في الجذور ويستخرج العفن
لك التحية والاحترام

2 - الاستاذ صباح شقير
هانى شاكر ( 2021 / 3 / 29 - 20:33 )

الاستاذ صباح شقير
________

شكرا لمرورك و كلماتك الرقيقة

نكتب من همنا على الوطن و اهالينا …

….

3 - تعليق رقم 2
هانى شاكر ( 2021 / 3 / 29 - 20:37 )

تعليق رقم 2
_____

للاستاذ على سالم ، ورد فيه

(( العسكر دمروا مصر , سرقوها ونهبوها ...))

شكرا استاذنا لمرورك و تعليقك

...

اخر الافلام

.. رئاسيات موريتانيا: ما هي حظوظ الرئيس في الفوز بولاية ثانية؟


.. ليبيا: خطوة إلى الوراء بعد اجتماع تونس الثلاثي المغاربي؟




.. تونس: ما دواعي قرار منع تغطية قضية أمن الدولة؟


.. بيرام الداه اعبيد: ترشّح الغزواني لرئاسيات موريتانيا -ترشّح




.. بعد هدوء استمر لأيام.. الحوثيون يعودون لاستهداف خطوط الملاحة