الحوار المتمدن
- موبايل
الموقع
الرئيسي
الحياة
محمد فرج على
2021 / 5 / 15الادب والفن
وفيها أيه الحياه
غير حزن وقرف بالكوم
وهموم ماليها آخر
وضباب وسحاب وغيوم
ومرار كل يوم
الحياة
هى المتاهة
والاستحالة
والممنوع اللى هيفضل ممنوع
وغير متاح
والحقيقة التايهة
بين الدروب الخلا
الحياة
هى استمارة ستة
هى المر الصبار
وطعم الظلم فى ليل ونهار
الحياة
هى فيلم ممل
فى سيما أونطة
الحياة
هى العقدة الحرير
اللى لا يمكن تنحل
الحياة
طريق فى اتجاه واحد
ونهايته حارة سد
الحياة
وداع قبل اللقا
ونهاية قبل البداية
انتظار بدون فايدة
الحياة
مكالمة ع الويتنج
عمرها ما بتبتدى
الحياة
هى الغريب اللى ما بيرجعش
الحياة
مطار
من غير صالة وصول
الحياه
منتهي القرف
|
التعليق والتصويت على الموضوع في الموقع الرئيسي
اخر الافلام
.. تكريم إلهام شاهين في مهرجان هوليود للفيلم العربي
.. رسميًا.. طرح فيلم السرب فى دور العرض يوم 1 مايو المقبل
.. كل الزوايا - -شرق 12- فيلم مصري يشارك في مسابقة أسبوع المخرج
.. الفيلم اللبنانى المصرى أرزة يشارك فى مهرجان ترايبيكا السينما
.. حلقة #زمن لهذا الأسبوع مليئة بالحكايات والمواضيع المهمة مع ا