الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
همسة اليوم: تفاصيل صغيرة!
محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)
2022 / 4 / 1
الفلسفة ,علم النفس , وعلم الاجتماع
فيه مجموعة تفاصيل بينشرح ليها قلبك..وبتبقى بالنسبالك زي النسمة الباردة في عز الحر! حاجات صغيرة..تافهة أحيانا..بس بتسعد قلبك وتشرح صدرك..مثلا: ابتسامة بريئة من طفل بيبي صغير..موقف ظريف يحصل قدامك في مكان انتظار فتلاقي نفسك بتبص لحد غريب ما تعرفوش وتبتسموا لبعض..كلب وفي أول ما يشوفك داخل في أول الشارع بعد طول غياب فيجري عليك وياخدك بالحضن! حد ما تعرفوش يديلك هدية ويقولك "دي مني ليك"..تلميذ أو تلميذة بتقدرك تدخل وتديلك وردة وتمشي..حد يدخل عليك في محاضرة ويقعد شوية وبعدين يستأذن ويقولك: "معلهش..دي مش دفعتي" فالكل يضحك..طالب بتقدر ظروفه وتكرمه وتعامله زي ابنك أو أخوك الصغير..فعلشان يشكرك تلاقيه فجأة يوطي على كتفك ويقبله..تكون رايح عند جماعة قرايبك تزورهم، فتلاقي عندهم ضيوف واحشينك كان نفسك تشوفهم وتقعد معاهم من زمان! تفكر في حد معين فتلاقيه فجأة قدامك أو بيتصل بيك..في عز ما إنت متضايق وحاسس باليأس وعندك جبال من الهموم، تكون سبب في شحذ همة حد أو حل مشكلة عنده..أو تديه الأمل وتخليه في قمة السعادة..قط أو قطة يجري وراك في كل مكان في البيت ..ولما تفتح الباب تلاقيه في استقبالك مستنيك علشان تعتني بيه..تروح مكان علشان تخلص مصلحة واحدة في دماغك، فبقدرة قادر تنقضي مصالح كتير تانية ما كانتشي على بالك! كل دي تفاصيل صغيرة..لكنها جميلة..بتسعد الواحد وتهون عليه التعب!
خالص تحياتي وتمنياتي بالسعادة الدائمة!
|
|
التعليق والتصويت على الموضوع في الموقع الرئيسي
.. إنسحاب وحدات الجيش الإسرائيلي وقصف مكثف لشمال القطاع | الأخب
.. صنّاع الشهرة - تيك توكر تطلب يد عريس ??.. وكيف تجني الأموال
.. إيران تتوعد بمحو إسرائيل وتدرس بدقة سيناريوهات المواجهة
.. بآلاف الجنود.. روسيا تحاول اقتحام منطقة استراتيجية شرق أوكرا
.. «حزب الله» يشن أعمق هجوم داخل إسرائيل.. هل تتطورالاشتباكات إ
