الحوار المتمدن - موبايل
الموقع الرئيسي


الجنون هو... (٣٣): الزميل الرخم الناقص الذي ينفر ويهدد!!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

2022 / 4 / 7
الفلسفة ,علم النفس , وعلم الاجتماع


الجنون هو... (٣٣): الزميل الرخم الناقص الذي ينفر ويهدد!!
وهو صورة من عدم النضج تجدها في بعض زملاء العمل (غير الأسوياء) الذين ينقلون لك الإحساس بأن عملك (على كف عفريت) وأنك مهدد بالفصل لأهون سبب!! من يومه، يبقى الواحد من دول عامل زي "الكومانده" إللي ماسك عصاية لزمايله الأحدث والأصغر منه.. كل كلامه تهديد ووعيد.. علشان ينكد عالناس... وينشر القلق والإحباط والشحناء والبغضاء.. علشان هو أصلا من النوع إللي "كاره نفسه"..
بدل ما الواحد من دول يقولك مثلا: "أبشر ولا تقلق.. وإن شاء الله خير" زي الناس (الراقية) .. يقولك (لو قصرت في موضوع ما أو تغيبت عن إجتماع لظروف سفر أو لعذر قهري): "الموضوع مطروح.. الموضوع مثار حاليا.. وهتتفصل من العمل يا.......هتتفصل يعني هتتفصل"ههههههههههههههه كائنات غريبة فعلا.. ده حتى لما يكبر.. ممكن يرجع للحركة الواطية دي.. ويقول لزميل (ما يفرقش عنه كتير في الدرجة) كلام من قبيل: "مش معنى إنك مستمر في عملك أو مكانك، إن خلاص كده.. الأمور ماشية طبيعي"!!
مش عارف إيه الناس دي؟؟! واحد من النوعية دي حب يعملها معايا (وإحنا معيدين صغيرين) علشان تغيبت عن إجتماع لظروف سفري للقاهرة للبحث والإطلاع: "طيب.. هتتفصل يا محمود.. الموضوع مثار حاليا.. عند العميد.. علشان تغيب براحتك".. ساعتها خرجت عن شعوري وبستفته بكلمتين (علشان أحط حدود مع الأشكال الواطية دي).. فقلتله: "وإنت مال أهلك؟ أتفصل أتفصل ما لكش دعوة.. خليك في حالك إنت.. وكله بأمر الله.. ما تعملش عليا كبير".. ما كفاهش العك إللي عكه معايا زماااان (وبحاول أنساهوله) على أساس إننا كبرنا خلاص (في السن والدرجة العلمية) ، جاي يعك تاني بنفس الطريقة.. ده مرض.. إيه الناس دي؟؟ تفضل كده مهما تلف وتسافر وتكبر.. ما تتعلمش (الرقي) أبدا.. حاجة تقرف!!!
هما اتنين أعرفهم فيهم الخصلة الزبالة دي.. بيصورلهم غرورهم إنهم يقدروا يعرفوا مصاير الناس ويلقحوا كلام من قبيل (ده قرب يتفصل).. وهما الإتنين أخدت معاهم موقف شديد وحاسم وحطيت بينا حدود (بدري بدري) علشان ما حدش منهم يعمل ريس عليا أو يفكر يتجاوز حدوده معايا (حتى لو مسك رئيس جامعة)!! مش عارف إيه المرض ده؟؟ إيه الرخامة دي؟؟ إللي زي دول المفروض يكونوا انقرضوا خلاص.. لكن لله حكمه.. يمكن علشان يورينا قد إيه إحنا طيبين وعلى الفطرة وسط البشر دي؟!!
أعوذ بالله...





التعليق والتصويت على الموضوع في الموقع الرئيسي


اخر الافلام

.. -تكتل- الجزائر وتونس وليبيا.. من المستفيد الأكبر؟ | المسائي

.. مصائد تحاكي رائحة الإنسان، تعقيم البعوض أو تعديل جيناته..بعض



.. الاستعدادات على قدم وساق لاستقبال الألعاب الأولمبية في فرنسا

.. إسرائيل تعلن عزمها على اجتياح رفح.. ما الهدف؟ • فرانس 24




.. وضع كارثي في غزة ومناشدات دولية لثني إسرائيل عن اجتياح رفح