الحوار المتمدن - موبايل
الموقع الرئيسي


عارف؟؟

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

2022 / 7 / 22
سيرة ذاتية


عارف...؟؟؟
عارف يعني إيه تسيب والدتك في آخر أيامها في الدنيا وهي بتحتضر علشان ترجع الكتيبة تدي التمام بعد أجازة قصيرة من الجيش؟؟!
عارف يعني إيه يجيلك خبر وفاة والدك وإنت في الغربة في بلاد بعيدة وما بقالكش 15 يوم مسافر؟!
عارف يعني إيه تشوف الموت بعنيك وتتحمل آلام شديدة تهد جمل في ليلة عمرك ما تنساها في حياتك كلها بسبب دواء خطأ؟!
عارف يعني إيه تستنى العقاب باستمرار على أي حاجة حتى لو ما كانتش غلط - ومهما تعمل يقولولك مقصر وكان المفروض تعمل أحسن من كده؟!
عارف الشعور ده لما يتلككولك ويستنولك على الواحدة ويحسسوك إنك السبب في أي خلاف أو المسئول عن أي حاجة وحشة تحصل بالرغم من إنك طيب وأغلب من الغلب؟!
عارف الخنقة إللي بتحس بيها لما تحبط من البلد كلها فتقرر تسافر علشان تنسى وتعوض وتلحق تعمل حاجة لمستقبلك قبل ما العمر يعدي ، فمتلاقيش حد تقريبا يسلم عليك أو يسألك إن كنت محتاج شيء بالرغم من إنك - في عز أزماتك وإحتياجك - عمرك ما قصرت مع حد فيهم؟!
عارف بتحس بإيه لما يطعنوا فيك وفي سمعتك علشان يقتلوا الفرحة جواك فيتهموك بحاجات عمرك ما عملتها ولا هتعملها - ومع ذلك تصبر وتتحمل وتقرب من ربنا وتعتزل الدنيا كلها؟!
عارف إحساسك لما تبقى وحيد دايما - وكأن الوحدة دي قدرك - وقتك ما بين شغلك ومكتبتك وكتبك وحاسوبك وحيوان أليف بتربيه؟!
عارف كده لما بتحس إنك مش خايف من حد أو حاجة ولا باقي على حاجة ولا مستني حاجة ولا متوقع خير من حد ولا متعلق بحد غير ربنا؟!
عارف لما تتظلم وتتقهر وكبريائك وعزة نفسك يمنعوك من إنك تتكلم مع حد أو تبرر لحد أو تشرح موقفك لحد أو حتى تدافع عن نفسك؟!





التعليق والتصويت على الموضوع في الموقع الرئيسي


اخر الافلام

.. وسام قطب بيعمل مقلب في مهاوش ????


.. مظاهرات مؤيدة للفلسطينيين في الجامعات الأمريكية: رئيس مجلس ا



.. مكافحة الملاريا: أمل جديد مع اللقاح • فرانس 24 / FRANCE 24


.. رحلة -من العمر- على متن قطار الشرق السريع في تركيا




.. إسرائيل تستعد لشن عمليتها العسكرية في رفح.. وضع إنساني كارثي