الحوار المتمدن - موبايل
الموقع الرئيسي


الصحاب يا رب.. نص بالعامية المصرية

مختار سعد شحاته

2022 / 9 / 12
الادب والفن


عارف يا رب، أنا لما أجيلك
هاشكيلك...
كمية الخذلان والرفض اللي على عيني...
مكتوب على جبيني!
الصحاب يا رب تحويشة العمر اللي فات، المصححين زي الجنيه الورق، فككهم العشم المضروب، والمبالغ فيه، لما بقوا ملاليم...
يا رب هل تعرف المليم؟
يمكن دي الحاجة الوحيدة من حاجات معرفتهاش يا رب، طول عمرك صحابك ولا غلطة...
دا نبي، ودا صاحب رسالة، ودا اصطفيته ولي، ودا موقوف على باب الرجا درويش، ودا كاتب...
صحيح مفيش صاحب م الصحاب إلا وكان في الخيال زي الجنيه الدهب، والدهب غالى...
يا رب, عمرك وقفت على باب صديق قلقان؟
طيب، عمر الصديق قال يستحق يعيش كما الإنسان، وأكون لصاحبي سبب من الأسباب؟
يا رب اتفككوا وحياتك ولا همهم مين فضل ورق، ومين أصله دهب، ومين بقى سحتوت...
يا رب صحابك على الدوام جدعان، وأنا الماسك على الصحبة كما الماسكة على المنديل، تسمح وجه المسيح في طريق الصلب!!
يا رب!!
أنا أب، بلا أب...
أنا المسؤول بفتح الباب على الآخر، ولا أتّاخر وأرد الباب ف وش صديق...
يا رب كما بتدعيك الست أم قلب طيب ف الصلاة وتقول: أنا خالتك أم الجبر!! متعرفنيش؟! وتدعي لك عشان تحمي ولادها من شر الوسواس الخناس، وتزود من قماشة ودّها الطيبة، وتقول خباص يوسوس في صدور الناس، من الجنة والناس...
يا رب لجل خاطر آدم اللي لسه ف الجنة مأكلش م التفاح، ولا داق دفا حليب الأم...
في صحابنا متخذلناش، ماهو للدرجة دي الصحاب همّ، وحملهم واعر، وإلا حبيبك النبي ما كان وصى وقال "لا تخذوني في أصحابي"!!
وحياة جمال النبي اللي لسه في علم الغيب ولا جاش، طفيت له نار فارس، ويوم العرض الصراط له بساط فارش...
يا رب ف صحابنا متخذلناش، ومتحشناش ولا تمنع حسن النوايا والإحسان...
يا رب صفيهم، وحبة الملاليم تخليهم، يمكن قلبي يعرف يجمدهم كما كانوا، ويرجعوا كاملين ف عنينا بعد النقص





التعليق والتصويت على الموضوع في الموقع الرئيسي


اخر الافلام

.. لجنة الاتصالات بالنواب تستقبل الفنان أحمد زاهر بطل مسلسل لعب

.. -مادلين-.. أول فيلم وثائقي بالذكاء الاصطناعي عن قصة التجربة




.. مسك الكلام | الممثل عمر ميقاتي | 2026-02-08


.. المخرج في شبكة الجزيرة الإعلامية أحمد ماهر: أردنا للمشاهد أن



.. طقوس الفنان عبدالمنعم مدبولي في شهر رمضان مختلفة.. ورفض ابنت