الحوار المتمدن
- موبايل
الموقع
الرئيسي
صرخات من مندلي...
احمد الحمد المندلاوي
2022 / 11 / 24الادارة و الاقتصاد
# وصلني من الأخ الشاعر المبدع سلمان مراد المندلاوي مشكوراً،مقال توثيقي عن صرخة مندلي ،ندرجه أدناه لإتمام الفائدة: ذكرى احتفالنا بتاريخ ١٤/٤/٢٠١١ تحت شعار ( يوم صرخة مندلي) والتي إقامتها رابطة أهالي مندلي برئاسة المرحوم زهير نوروز وبحضور جمع غفير من أهالي مندلي (الخارج والداخل) وعدد من المسؤولين في محافظة ديالى . وقائممقام قضاء بلدروز الأستاذ د. محمد معروف وآمر لواء /٢١ قاطع ديالى. والأستاذ صبحي محمود المندلاوي عضو الحزب الديمقراطي الكردستاني وزوجته الكريمة السيدة نازنين عضوة في البرلمان العراقي آنذاك. كما شاركنا الشاعر والأديب الأستاذ أحمد الحمد المندلاوي، وكنت عريفا للحفل .وقد قرأت بين كل فاصلة مقطع من الشعر الشعبي وأدناه القصيدة أو الأبيات الشعرية كاملة وبقلمي .
عسى ولعل تنال رضا القارئ الكريم .
..................
سألت روحي ليش تعاتبين الأيام
ناشدت جسمي ياهو ذب عليك الاسقام
سألت الكلب منهو صوب عليك الإسهام
وصحت ياجفن ليش امسهر ليلك ومتنام
جاوبتني أعضاي ... تدري اشبينه ...
فركة الديرة ...تصعب علينه
.................
مندلي املنه ويعز علينه والله افراكه
مشتاكه روحي الشوفته والله مشتاكه
يمته نرجع الديرة الوفيه بالفرح نتلاكة
ياوسفه وحشه ... بيوت أهالينا...
فركة الديرة. ..تصعب علينه
.....................
مدينتنه الحلوة بالدمعة تركناها
وحشة أو مظلمة وبالليل عفناها
بس بالكلب مطبوع ومانسيناها
ابلوعة الفركة... من يواسينه...
فركة الديرة ..تصعب علينه
.......................
بين الكلب يسعر جمر غربتنه
محد حس لليوم ينظر الحالتنه
شما نشكي الحكومة متلبي شكوتنه
هالدهر غدار ... جارت اسنينه ...
فركة الديرة ...تصعب علينه
...........................
خزن دليلنه اجروح والعلة عله
جرح الدهر يا ناس منهو اليشله
اهلنه ا تطشرت وصلت الحلة
شوكت نرجع نطفي نار المذله
ريحة مندلي من ... بعيد امبينه...
فركة الديرة ...تصعب علينه
...........................
منريد ماي بس انريد انعود
الجفن لو جره يعوض عن الجود
نبني ديرتنه او نرضه بالموجود
جمع الشمل مطلبنه ونشكر المعبود
شكثر عالخدود ... دموع هلينه...
فركة الديرة ...تصعب علينه
..........................
لوعتنه لوعه ومصابنه امصاب
نطلب المسؤول أو نطرق الابواب
كردستان والمركز وأمريكا الاجناب
مدينته لليوم منسيه بلايــــه اسباب
وسفه عله الزمان .... أرواح انطينه...
فركة الديرة ... تصعب علينه
...........................
نعلن صرختنه اليوم اربعتعش نيسان
شهر الربيع شهر الخير والاهل فرحان
نغرس كل جهدنا والصعاب مهما جان
أنناشد الغيارى و صحاب الوجدان
والمحب شبحت.... عالدرب عينه ...
فركة الديرة ...تصعب علينه
.............................
نبارك المجلس التأسيسي وأعضاء خيرين
نتمنالهم التوفيق وهم إشراف طيبين
اهل نفوس الصامدة أقوياء امبينين
بقوة الله وعلي حامي الجار متوكلين
بالفرح نجتمع.... واليوم حسينه...
فركة الديرة ....تصعب علينه
......................
ابو داوود المندلاوي 14/4/2011م -50/2021م
|
التعليق والتصويت على الموضوع في الموقع الرئيسي
.. الاحتلال متهم بخلق أزمة السيولة النقدية في غزة
.. شبكات | هل سيؤثر انهيار جسر فرانسيس سكوت كيه على الاقتصاد ال
.. كيف كان ينتهز الرسول -ص- الفرصة الذهبية في العشر الأواخر من
.. وقفة اقتصادية | -إسرائيل- تدمر الزراعة في غزة وجنوب لبنان
.. منقّبو الذهب في أفغانستان يخاطرون بحياتهم هرباً من الفقر وال