الحوار المتمدن - موبايل
الموقع الرئيسي


يوميات مشجع

صوت الانتفاضة

2023 / 1 / 8
عالم الرياضة


((فلنجرب نحن أنفسنا، إذن، ولنقل ولو في بضع كلمات ما لم ترغب في قوله (أو ربما لم تستطع حتى فهمه) "رابوتشييه ديلو")) لينين.

افتتحت بطولة خليجي 25 في البصرة، توجه الالاف الى المدينة، ضجت مواقع التواصل الاجتماعي بهذا الحدث، ارتفع منسوب "الوطنية" و "القومية" عند البعض، فصار أي نقد يوجه لهذه البطولة بمثابة خيانة "للوطن"، او هو مس بالمقدس؛ لاذ الكثيرون بالصمت، خوفا من حملات هجومية مضادة، يتهمون فيها بأن هؤلاء النقاد لا يحبوا "العراق"، فقد يكونوا خونة او عٌملاء، وفي أفضل الأحوال يوصفون بأنهم "متشائمين". لهذا فأن الكتابة ستكون حذرة جدا، فلا نريد ان نخدش إحساس "الوطنچية" و "القومچية". فهو حوار متخيل، لمشجع ما من أهالي البصرة، حضر افتتاح البطولة، وهناك تعرف بشخص من احدى دول الخليج الثرية والجميلة، وصمم هذا البصري على ان يأخذ ضيفه الى بيته، فلا يمكن ان يدعه يبيت في الفندق، يعدها قلة ذوق منه، ويدور هذا الحديث:
الخليجي: ولو اني اريد اشوف البصرة وواقعها الصحيح، بس بنفس الوقت ما اريد اكلفك.

البصري: عمي شتكلفني، غدا لو عشا، هاي سهلات، والبيت چبير ومحد بيه، وهم تتعرف على الواقع مثلما تگول.

كانت لدى البصري سيارة متواضعة؛ بعد انتهاء الافتتاحية والمباراة خرجا سوية، ركبا السيارة واتجها نحو المنزل، كان البصري يقطن منطقة الحيانية، احدى ابأس وأفقر المناطق في البصرة؛ الخليجي كان متوجسا ويبدو عليه الخوف والقلق، لكن البصري كان يطمئنه بأن لا شيء سيحصل له.

الخليجي: البصرة حلوه حيل، شوف الاضوية والشوارع والناس اللي تفتر بهذا الليل، عيل يگولون بيها ميليشيات وعصابات ومافيات مال مخدرات.

البصري: يخوي بيها كلشي، مدينة چبيرة، أكثر من 3 ملايين بيها بشر، شتريدها صافية، وبعدين الميليشيات هي التحكم، وهي مقسمه بيناتهم ولهذا تشوف ماكو مظاهر مسلحة هسه، بس لو جاي قبل تشكيل الحكومة چان شفت الوضع الصحيح، وهسه بس يختلفون تنملي مسلحين.

الخليجي: زين العالم شلون عايشه وياهم.

البصري: انت ما سامع مقولة "عايشين بالقدرة"، والميليشيات هسه زينه مو مچلوبة مثل اول ما صاروا، انطو شويه حرية للناس، واعتداءاتهم قلت مو مثل گبل "يجونك بالتفگ".

الخليجي: زين يگولون ما عدكم كهرباء، اشو البصرة كلها منورة.

البصري: غير البطولة وجيتكم صارت بالشتا، يعني الكهرباء فول، تعال بتموز وشوف الكهرباء، ينصمط جد جدك، واني خايف لان إيران منزعجة من تسمية البطولة "الخليج العربي" ومقدمين شكوى، بس لا يؤمرون ميليشياتهم ويطيحون ناقل ناقلين من خطوط الكهرباء وتطفى البصرة كلها، بلكي تعدي على خير، ترى فشله منكم ومن " الوطنچية"، اللي خبصونا خبص ب"عودة العراق" و "رجع العراق شاب" و "هذا العراق فقل للنائبات قفي"؛ لو " القومچية" اللي كل ساعه وگالو "رجع العراق للحضن العربي" هسه الا الحضن، ما يدرون هو گاعد بحضن الامريكي والايراني بعد يردوه يگعد بحضن العربي.

الخليجي: يا اخي تفاءل، الدنيا مو هيج، العراق لازم يرجع.

البصري: هو من گال يتقدم، هو گاضيها يرجع ليوره؛ دتعال اشوفك الحيانية شوف شگد حلوه، هسه ويه هاي المطرة صايره مثل البندقية، بس كون نلگى طريق نوصل بيه، وما تطفى بينا السيارة، وانت دشداشتك بيضه ونظيفه.
للقصة بقية.....
طارق فتحي





التعليق والتصويت على الموضوع في الموقع الرئيسي


اخر الافلام

.. إحنا معاه وراه وين ما يكون .. الأبن والأبن يساندون الأهلى فى

.. مباشر.. جمهور الأهلى يشعل نهائي أفريقيا لكرة الطائرة




.. -حضن- مشجعة.. الاتحاد الإيراني لكرة القدم يوقف الحارس الدولي

.. أخبار الرياضة في دقيقتين | احتفالات صاخبة لإنتر بعد تعليق ال



.. كأس آسيا تحت 30 عاما في قطر.. إدارة التصاريح تستخرج نحو 25 أ