الحوار المتمدن - موبايل
الموقع الرئيسي


شكرا منتخبنا الوطني

ميسون نعيم الرومي

2023 / 1 / 19
الادب والفن


شكرا (منتخبنا الوطني) – فدوه يعيني الشبان
ولد (العراق) الابطال – والشعب بيكم عشمان
-(أيمن حسين) الهدّاف – والمنتخب عالي الشان
اجمعتوا الشعب كله اليوم - هيبه وطن يا شجعان
كل الهله بالشبان
هـذا (العراق) التاريخ – (ازهار) شعبه الوان
متـشـابگه الإيـد ابأيـد – أهـله كرام اواخـوان
-(العرب) منهم و(اكراد) – وانواع بيه (الأديان)-
من زمن سومر وآشور – واحنه الحضاره عنوان
اجمعتوا الشمل يالشبان
(فگـْرَوا) بلادي اودمروه – (زَوْرَوأ) العمله اطنان
فرغـَـوْ وطنه اومسحوه – نِگـْـلـَوا الثروه الايران
لعـبوا لعـب ما ينوصف – غيرَوا حتى الإنســان
كلشي خرب كلشي انداس - كوشت علينه طهران
انتوا الأمل يالشبان
-(انسينه) الفرح من اسنين – والشعب كلش تعبان
التمت عـلينه الســراق – (انباع) الوطن للجيران
باگوا نفطنه والخير – و(اچماله) صاروأ عـدوان
اتوحد (شــعبنه) هاليـوم – رد الأمل للســكان
شفتوأ يعيني الشبان ؟
فدوه يعيني الشـبان – نـفـرح اوننشــد الحان
الوطن كله منتشي – حتى النخـل والشـطآن
والطير غنه ع الشجر – وانزوت كل الحيتان
اولاياتنه التسند بعض – گلب او وريد اوشريان
عيني ولدنه الشبان
اتوحد (شــعبنه) هاليـوم – رد الأمل للســكان
اهل (العراق) الامجاد – رمز الكرم والاحسـان
هذا الخليج العربي – طيبه اوكرم من ازمان
تاريخ عدنه مشترك – والگلب بيكم فرحان
كلكم عزم يالشبان
عاش العراق المنتصر- والفرج گرب هالبان
باچر يهـب او ينتفض – انتوا الأمل يالشبان
فدوه (اسود) الشطين – للنصر انتوا العنوان
شكرا (منتخبنا الوطني) – فدوه يعيني الشبان
هله او هله بالشبان
شكرا ولدنه الشبان
------------------------------------------------------
ســــــــــــــــــتوكهولم
19 / كانون الثاني / 2023





التعليق والتصويت على الموضوع في الموقع الرئيسي


التعليقات

1 - عاش عاش عراق الابطال
س. السندي ( 2023 / 1 / 19 - 13:27 )
بداية تحياتي لك ياعزيزتي ميسون الرومي وتعقيبي ؟

أولا عاشت مشاعرك الوطنية الاصيلة
ومو عراقي الخلا منها والغيرة

ومتوهم الضان العراقي مجرد حشيرة
يدوس عليها يمتى شاء صبحا وظهيرة

العراقي ما يقيما سلبوح تافه وقليل أصل وفاقد مرؤة وحيلة
العراقي الاصيل بطل شهم وسليل قيم وحضارات أصيلة
مو مكنسة بكل بكل بيت وحارة وديرة

وإذا الزمن ذلة وقسى عليه اليوم
فغدا عاصفة تكنس كل حقير ونذل وابن حقيرة

اخر الافلام

.. حلقة #زمن لهذا الأسبوع مليئة بالحكايات والمواضيع المهمة مع ا

.. الذكاء الاصطناعي يهدد صناعة السينما




.. الفنانة السودانية هند الطاهر: -قلبي مع كل أم سودانية وطفل في

.. من الكويت بروفسور بالهندسة الكيميائية والبيئية يقف لأول مرة




.. الفنان صابر الرباعي في لقاء سابق أحلم بتقديم حفلة في كل بلد