الحوار المتمدن - موبايل
الموقع الرئيسي


كل النصوص ميتة

مختار سعد شحاته

2024 / 11 / 17
الادب والفن


كل النصوص اللي بأكتبها وأنتِ ماسمعتهاش، كلها نصوص ميتة ولا بتحياش غير لو سمعتيها...
ساعات الناس بتخلط ما بين الحب والترياق، وأنا المشتاق...
بترميني القصايد على بابك، وأهو بابك أحن من باب اللي مايتسماش...
بأمد إيديا خيوط الفجر، على طول المد، بتطلب نور، ولا هتجور، شموس حبك بتتوزع تمام بالعدل؛
هنا نورك، وهنا نورك وهناك منين ما أكون بأتحامى ف نفس الضيّ، وقلبي قال جامد ولا بيخاف، وأنا خوّاف، ومين غيرك عليا يخاف؟!
يا ست الكل نيلك النادي على جبينك، ولا بيبوح، أمين ع السرّ...
عنيك قمر فارش رضا منين ما يُطل، يا ليلك فلّ...
أنا الواد اللي تبت ف ايد أمه ساعة الهرْج، وخاف ليضل!!
لو كان إله للناس ف السما يا أمَّا، وأنا مُنكر، أكيد معاك يحن، ويفتح قُليبه الولد محراب للراغبين في الحب.
يا أمي الإله نوره ما بين إيديك سال ولا اتسرسب...
يشيب قلب الولد ف البعد متسلسل، يا مين يخده لحضن الأم!!
دا أول آية في الإنجيل، كانت الكلمة، وخبّوها، الكلمة كانت أُمّ!!
وقرآن المغرب اللي بنستناه، عشان يسرق المغني ف صوت الفجر، عارف وفاهم قولي ومين معناه...
حملته "وهنًا على وهنٍ"، وكتمت ياااااااه، يا طول صبرك على الألم والآه، يا أعظم أُم...
لو كان وجودي عدم يا أمّا، أنت مُنشاه، وأنت الوطن قبل النشيد ما يؤم!!





التعليق والتصويت على الموضوع في الموقع الرئيسي


اخر الافلام

.. الثقافة الأمازيغية في تونس.. إرث قديم يعود إلى الواجهة


.. زين البحرين تحتفي باليوم الرياضي البحريني بفعالية تعزز ثقافة



.. السينما الليبية… مخرج شاب يتحدى غياب الدعم ويصوّر فيلمه في م

.. ستايل توك - Tom Ford و Adele في عمل واحد قريبا في فيلم Cry t



.. الكلاسيكو - لقاء مع كابتن أحمد بلال والناقد الرياضي أحمد درو