الحوار المتمدن - موبايل
الموقع الرئيسي


حِجّة ملّا سوادي

طالب الجليلي
(Talib Al Jalely)

2026 / 5 / 6
كتابات ساخرة


حِجّة ملّا سوادي ..

ستة وعشرون حجة، وضعفها عمرات أنزل الله بهن نعمته على ملّا سوادي منذ عام التحرر والانعتاق عام 2003 .. كيف نزلت عليه تلك النعمة ! .. الله والبرلمان وال( مدري شنهي ) وحدهم يعلمون ذلك .. كل تلك النعم لم تثني المشاغب الحاسد الحسود عن إصراره على عدم منحه لقب ( حجّي)، ولا زال يدعوه ب ملّا …
أثناء مباركة الجموع لملّا سوادي بمناسبة عودته من الحج في العام الماضي ، كان جويسم من ضمن المهنئين ولكن ! لا زال يلقبه ب ( ملّا) رغم كل ذلك العدد المبارك من البركات ..
⁃ مبروك عليك ( ملّا) وحجة مقبولة إنشاء الله والعوده العوده ..!
⁃ الله وكبر .. لا وين اتظل اتسميني ( ملّا) يا نذل !!
⁃ ملّا .. موش بس على الحجة لكن أبارك لك ما حلمت بيه عنك البارحه بالطيف !!
⁃ خير انشالله .. ولو ما أشوف يجي منك خير يا جويسم ..!
⁃ ملا .. چنك ميت !
⁃ لا بارك الله بيك ..
⁃ تجيك السالفه ملا .. أخذناك إلى كربلا .. قبل ما نوصل اويتلگانا الحسين سلام الله عليه .. عمت عيني ، گال : مات ملّا سوادي ؟! لا مع الأسف ! تنحّب عمت عيني اوبچى ..!
⁃ ابروح أبوك صدگ تحچي ؟! الحسين بچى عليه ؟!
⁃ اي والبيت اللي حجيته ملا .. گال عمت عيني : لا اتدخلوه كربلا .. امير المؤمنين ينتظره في النجف .. رحنا للنجف وادوينات الولايه تلگانا الإمام سلام الله عليه .. هم تأسف ونزلت دمعته ومسحها بغترته الخضرا وگال عمت عيني : ولو ملّا سوادي اله قصر بالجنه لكن الرسول ص وصّى بنقله يمّه وهو ينتظر ..
⁃ ابروح موتاك ولك هذا الحچي صدگ ؟!
⁃ اي والله ( ملّا) .. ما أطولها عليك أخذناك أورحنا .. احنا وصلنا عرعر المغرب والدنيا صارت چنها الفجر ، ولن الرسول صلى الله عليه وسلم يتلگانا على ناگته چنه گمر ليلة 14 ..! بس هوه ياساتر مغضب !! بس وصلنا يمّه أولنّه بطل حيلي ايگول : ياهو هذا ؟! جايبيلي ملّا أسوَد ؟! أنا عايز ؟! .. صارله (سته اوعشرين سنه ) رايح راد عليّه ، والنوب حتى اوهوه ميّت ما خلصت منّه ! .. تردون اتدفنونه يمّي ؟!منّا اوردّوه لو تنخسف بيكم الأرض مثل ما انخسفت بثمود !!





التعليق والتصويت على الموضوع في الموقع الرئيسي


اخر الافلام

.. نقاش الساعة - أمريكا وإيران تبحثان عن صيغة اتفاق تضمن المخرج

.. مهرجان كان السينمائي-رامي مالك على السجادة الحمراء مع فيلم -



.. مهرجان كان السينمائي- فيلم -الرقيب-: عن جنون العسكرة في عصرن

.. -أرستقراطية الشاشة-.. ذكرى رحيل الفنانة ميمي شكيب




.. جمع بين التمثيل والغناء والإعلام.. ذكرى رحيل الفنان الشامل س