الحوار المتمدن - موبايل
الموقع الرئيسي


وشالة عمر

سامي عبد المنعم

2009 / 1 / 8
الادب والفن



ليل .. والدنيه مطر

واتنث على الشباچ ریحة غربه تاكل بالعمر

وانته وحدك ..

تنتظر نگرة باب التفزز صفنتك

گاعد الوحدک ..

وکاس ایجیب کاس

ولیل یعگب لیل ..

والمزه حزن

تحسب اسنین العمر کالساع ..

واترد من الاول

تاخذك حسبات واتردك صفر

ماكو غير الكاس .. واشوية شعر

يجلي زنجار البراسك

تنتشي.. ويصعد الليل ابدماغك

تنرسم گدامك امرايات زيبگها عتگ

اتریدلك واحد .. ايحس البيك ويفهمك

ولو بس بالبچي

تذكر ايام الخسارات العشتها

ايورث ابروحك جمر

تسرح..

اتسافر للوطن وانته ابغربتك

توصل البيتك ..

اتشوف الباب موبابك..

ولا بي ريحة خشب

اتشوف غلطات الطفوله شيبت

گبل الوكت

تعتني لگهوة صباك ..

اتشوف ناس الما الك بيهم عرف

ترجع على اول حانه

بيها اتعرف عالنشوه والكاسات..

تلگاها خرابه

تجفل كل عصافير البروحك

وتشعر ابطعنة غدر

ترجع المحنة غربتك..

وحدك.. حيل وحدك

ماكو غير الكاس.. ووشالة عمر

اخ.. من تالي العمر

يلمض ابروحك ليل بارد ..

وتحلم ابمنقله وقوري الچای

وابصفه جمر





التعليق والتصويت على الموضوع في الموقع الرئيسي


التعليقات

1 - تحية الــود
هاتف بشبوش ( 2009 / 1 / 7 - 20:53 )
والله ورد او كلّش ورد... او دوم تبقة الورد

صديقك الشاعر
هاتف بشبوش ..سلوان في البالتلك

2 - شكر وتقدير
سامي عبد المنعم ( 2009 / 1 / 8 - 09:17 )
حبيبي هاتف ايها الشاعر الجميل
اين انت يارجل؟ مشتاق لك بقدر لا يوصف
اخوك ابو نورس

اخر الافلام

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ



.. اللعبة قلبت بسلطنة بين الأم وبناتها.. شوية طَرَب???? مع ثلاث

.. لعبة مليانة ضحك وبهجة وغنا مع ثلاثي البهجة الفنانة فاطمة محم



.. الفنانة فاطمة محمد علي ممثلة موهوبة بدرجة امتياز.. تعالوا نع