الحوار المتمدن - موبايل
الموقع الرئيسي


(لا شكر على واجب)

عمر عبد العزيز

2009 / 12 / 4
الادب والفن


مش هشكرك
ولا همحي اسمك اللي موشوم جوه قلبي و اهجرك
ولا حفضل اشكي من سُكات
ولا أنيني هيفضل غنوة ف بقي و لحد أمّا أموت
ولا عاد هيسكنّي السكوت
ولا عدت هرضى بالفُتات
ولا هرضى للظالم يفوت
ولا عمري هاقبل م النهارده إني اسيبهم ينهبوكي
يمضغوكي و يهرسوكي يسلموكي جثة هامدة للعريس
و لو سابوني عضم مطحون جوه كيس
و بعتروني في الربوع
تنبت بذور شجرة أمل جوه الرفات
تحمل بُه أرضك و تداريه سنة أو سنين
لكن في يوم
أكيد هيتولد الجنين
بالعلم مروي بالعمل راضع حنين
و يبتدي من تاني بكرة يرسمك
و يشكلك
ميهمنيش اسمك يكون إيزيس زينب أو بهية
بس المهم تطيري فاردة الجوانح في المدى أجمل صبية
جناحات فتية
جناح أمل يمحي التعاسة م الوشوش
و جناح عدالة
يبدُر طمأنينة و أمان جوه النفوس
ايوه مهم من الفساد و القهر إني اطهرك
ايوه الأهم إني أنول حريتي و اكشف دماغك أعََّرفِك و أحررك
و ساعتها بس مش هعوزك تشكريني
ولا هتحتاجي للحظة إني اشكرك
و مش هشكرك






التعليق والتصويت على الموضوع في الموقع الرئيسي


اخر الافلام

.. الفنانة دينا فؤاد لخالد أبو بكر: تكريمي من الرئيس السيسي عن


.. كل يوم - الفنانة دينا فؤاد لخالد أبو بكر: نفسي ألعب دور فتاة



.. كل يوم - دوري في جمال الحريم تعب أعصابي .. والمخرجة قعدتلي ع

.. كل يوم - الفنانة دينا فؤاد لخالد أبو بكر: بنتي اتعرض عليها ب



.. كل يوم-دينا فؤاد لخالد أبو بكر: أنا ست مصرية عندي بنت-ومش تح