الحوار المتمدن - موبايل
الموقع الرئيسي


حوارات الكافيهات

عمر عبد العزيز

2010 / 5 / 12
الادب والفن


بقى بتهرج يا عبده و لا بتقولها جد
أيام ف الغربة عدت و لا بطلت عد
بتقول اربع سنين غرقان شَقا و أنين
صحَّحت قرش ساندك بس اعتلِّيت حنين
واحشاني أمي و صُحابي و اللمة و قَفل بابي
أيام بموت عليها بتصُد فيّا صد
أصلي م اسكندرية بحلم لو اشوفها ثانية
لما بسأل عليها يتقال معدتش هي
شوارعنا و الحارات قلبوها كافيهات
يمكن ليكوا انتوا احسن لكن لينا مَوات
اتهدت ذكرياتي شالها زمان جَحود
إذا كُنت هنا ف غربة هناك مليش وجود
نسفوا أحلام طفولتي و بنوها مول و قصر
و برضه بتلاقيني بقول عظيمة مصر
و ادعي له بالسلامة يرجع يملا المكان
حتى إن ما كانتش عيشة أهو حسسنا بأمان
كفاية ننام في ليلنا ضامنين ما هنلقى حرب
بقى بتهرج يا عبده و لا بتقولها جد
من امتى بس يابني كان ميِّت وجعه ضرب





التعليق والتصويت على الموضوع في الموقع الرئيسي


اخر الافلام

.. كل يوم - الفنانة دينا فؤاد لخالد أبو بكر: كان نفسي أقدم دور


.. كل يوم - الفنانة دينا فؤاد لخالد أبو بكر: -الحشاشين- من أعظم



.. كل يوم - الفنانة دينا فؤاد لخالد أبو بكر: خالد النبوي نجم اس

.. كل يوم - -هنيدي وحلمي ومحمد سعد-..الفنانة دينا فؤاد نفسها تم



.. كل يوم - الفنانة دينا فؤاد لخالد أبو بكر: -نجمة العمل الأولى