الحوار المتمدن - موبايل
الموقع الرئيسي


الى عراقي

سامي عبد المنعم

2010 / 12 / 7
الادب والفن


ارفعوا اصواتكم بوجه الظلاميين احفاد طلفاح المقبور

الى عراقي
يهل تحسب زمانك دوم عالكيف
الوكت ويامن انصف حته وياك
اشكثر جاسك برد والوادم ابصيف
وخذاك العرگ وانته ابلبة اشتاك
خلصت العمر بالحيف ياحيف
على الوحدك ابنص الدرب خلاك
البلم من ينزرف شيفيده تجذيف
وعين الماتشوفك شهر تنساك
چنت تلوي الحديد وساعدك سيف
اتداريها ابصبر من تگصي دنياك
ايوصفونك ابوكت الضيج توصيف
شهم واللي ايضكه الوكت ينخاك
ايحلفون ابصفاتك صاحب الزين
سخي وتبذل حياتك للي خاواك
اتسابگ شيمتك لو جالك الضيف
مثل بيرغ وفه عالباب يلگاك
چان امن النذل بس حصتك ارغيف
او فلل وقصور يبني ابتعب يمناك
چنت سيف وصرت متغصب اسويف
خلف وانته امن الشينات حاشاك
نذل نشف خضار الگاع تنشيف
وخبز اسود بدال العنبر اغذاك
هسه اهل المحابس داروا اعليك
سمچه اتناهشتها سنون تمساح
گبل سفاح واحد چان واليك
هسه ابكل كتر مليون سفاح
گبل چان الوطن سهران بالليل
رغم كل المئاسي اتدور الاقداح
چان الخوف لذه اتواكح الريح
ولو چم گمر من عدنه انطفه وطاح
چان الامل بينه ايزيل الهموم
هسه اهل المدس نسونه الافراح
ممنوع الغنه وحفلات الاعراس
وعلى اضفاف النواسي منعوا الراح

بس مسموح قمع الفكر والبوگ
همه اهل الارض والشعب فلاح
گبل طلفاح واحد بيها بغداد
هسه احنه ابتلينه بالف طلفاح
القصور اللي انبنت من جوع الاطفال
سكنها البرلماني امن الصنم طاح
همه اتزنگنو واتغير الحال
او صفينه احنه سفينه ابغير ملاح





التعليق والتصويت على الموضوع في الموقع الرئيسي


التعليقات

1 - الى الغالي ابا نورس
عبد الرضا حمد جاسم ( 2010 / 12 / 7 - 16:51 )
تحيه ومحبه وموده
كلمات بليغه ونظم استاذ
يدثر بهن من وجعته صفاح
انت القول وانت الفعل وانت
بيمن المتعذب اسلاح
اجدت واحسنت وابدعت قولاً
الى اللقاء في عيد اللومانتيه ايها العزيز الكريم الأصيل الطيب..الممدوح مو مداح

2 - صح لسانك
ذياب آل غلآم ( 2010 / 12 / 9 - 04:34 )
عليهم......ها خوتي ها....مد أيدك لالله وسركيهه.... صح لسانك وبدنك وعاش العراق وعشاقه...الغالي أبو نورس

اخر الافلام

.. تفاعلكم | أغاني وحوار مع الفنانة كنزة مرسلي


.. مرضي الخَمعلي: سباقات الهجن تدعم السياحة الثقافية سواء بشكل




.. ما حقيقة اعتماد اللغة العربية في السنغال كلغة رسمية؟ ترندينغ

.. عدت سنة على رحيله.. -مصطفى درويش- الفنان ابن البلد الجدع




.. فدوى مواهب: المخرجة المصرية المعتزلة تثير الجدل بدرس عن الشي