الحوار المتمدن
- موبايل
الموقع
الرئيسي
ياشعبي گوم انتفض
سامي عبد المنعم
2011 / 2 / 23الادب والفن
ياشعبي گوم انتفض
سامي عبد المنعم
ياشعبي گوم انتفض ضد الحرامية
سويها ثورة غضب بافكار سلميه
معقوله صرنه غنم واليحكمونه زلم
سرقوا اموالك غصب
وايواعدونك چذب باحلام ورديه
ذوله عگارب صفر
بس عله هيئة بشر
لابسله لحية نصب وافكاره بعثيه
كيفنه راح البعث النوب اجانه الحوت
واللي ايحب الوطن ينتهي ابكاتم صوت
اتحملنه جوع اوقهر واصبرنه حد الموت
ردالنه حزب البعث ..يسرق اموال الشعب
شايله سبحة يسر والگصه مچويه
محبس عقيق او شذر
وساكن باحسن قصر
والناس بس تنتظر
والدنيه مسبيه
من تحچي ظيم الشعب ايحسبونك ارهابي
او يتصورونك غبي من تسكت اعله الظلم
حصتك من الوطن صارت بواچي او لطم
اكروش الحكومه علت وصلت الحد الخشم
ياشعبي گوم انتفض خل تنتهي المهزله
ايمشوك حافي الجدم من البصره الى كربله
ثورات چانت الك مكتوبه بالتاريخ
زمجر ابيوم الغضب او خلي الحرامي ايليخ
|
التعليق والتصويت على الموضوع في الموقع الرئيسي
.. بل: برامج تعليم اللغة الإنكليزية موجودة بدول شمال أفريقيا
.. أغنية خاصة من ثلاثي البهجة الفنانة فاطمة محمد علي وبناتها لـ
.. اللعبة قلبت بسلطنة بين الأم وبناتها.. شوية طَرَب???? مع ثلاث
.. لعبة مليانة ضحك وبهجة وغنا مع ثلاثي البهجة الفنانة فاطمة محم
.. الفنانة فاطمة محمد علي ممثلة موهوبة بدرجة امتياز.. تعالوا نع