الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
الاخوان والوطنى تانى!!
لبنى حسن
2012 / 5 / 25اليسار , الديمقراطية والعلمانية في مصر والسودان
رجعنا تانى للمربع صفر بس بخساير لا حصر لها...
رجعنا تانى للعب الوطنى مع الاخوان بكل تدنى مستواهم من رشاوى و أكل و إشاعات واستغلال فقر و جهل الناس لشراء أصوات...نفس الاخلاق القذرة و نفس الدور "السياسي القذر للكنيسة" اللى حاول يقاومه بعض المسيحيين خاصة من فئة الشباب بس عموما تأثير المسيحيين ككتلة تصويتية اصلا لا يذكر و ده ثابت من نتائج تصويتات سابقة فى مجلس الشعب و الاستفتاء على الدستور لكن أكيد موقف غير محترم و غير مبرر لأن كان فيه خيارات فيها شرف..كأن دم مينا دانيال و شهداء ماسبيرو ده كان نتيجة خناقة فى فرن بلدى!
رجعنا تانى للكدابين و المتاجرين بالدين والحرامية و مراكز القوى و النفوذ بعد ما الجهل و الفقر و الأمية لعبوا دور البطولة و بعد ما حزب الكنبة دخلت عليه لعبة الفوضى و الأمن اللى بتتلعب بعد كل ثورة فى كل بقاع العالم بس أمه اقرأ لا تقرأ التاريخ و لاترى أبعد من طرف أنفها... رجعنا لنقطة الصفر او ما قبلها لان لجنة الانتخابات اساسا و مهما كان تحفظنا عليها فهي فى الأصل لا تملك قانون قوى يمكنها من ضمانة السيطرة على المال السياسى وماقدرتش تعمل حاجة لمرشحى الفلول و الاسلاميين اللى كسروا حاجز الحد الاقصى للصرف على الانتخابات و لا حتى استطاعت اجبارهم على الافصاح عن مصدر الأموال و هل هى خارجية ام مسروقة لان مافيش مصدر تالت نتيجته تكون مقتربة من النص مليار جنية و فوق قدرة اى فرد دفع ما بين خمسين لمائتين جنية فى الصوت ده غير الأكل و النقل والاعلانات اللى من غيرهم ما كانش مؤيدى التيارين - رغم أننا لا ننكر أنهم ملايين- وصلوا لتلك النتائج...و يمكن كمان التيارين أفادوا بعض لان البعض اختار الأخوان خوفا من عودة الحزب الوطنى و البعض فضل نار الوطنى عن غياهب تخلف جماعة تلعب بالدين فتغش وتكذب و تنقض العهود و تتحالف مع الشيطان لمصالحها و ميكافيليتها...
فيه محافظات عملت اللى عليها و وقفوا وقفة رجالة من خمسة و عشرين يناير للأن و فيه محافظات أثبت أن مافيش فايدة دى جينات أو ربما ابتلاء!
مع كامل احترامى لثورية خالد على و لنضال ابو العز الحريرى و شرف البسطويسى بس الأنانية ضيعت الكل و كل واحد فيكم كان واثق مليون المائة انه مستحيل يدخل اعادة حتى انما داخل فقط يفتت أصوات و يستغل فرصة الظهور فى التلفزيون في وقت البلد فيه فى مفترق طرق و على وش خطر قندهار او فساد السيجار!
و برضة مع احترامى لكل مصرى سلبي او صاحب موقف و مش واثق فى العسكر و قرر يقاطع و دول خمسين بالمائة من الناخبيين بس للاسف انتم كنتم شوكة فى ظهر الشباب لأنكم لا اسلاميين و لا حزب وطنى ولكن قدمتوا ليهم أكبر هدية بقعدتكم فى البيت لأن أكيد أصواتكم كانت ح تبقى ضدهم و كان الأفضل تتعاملوا مع ما هو متاح مش مع ما هو خيالى و مثالى و الإ بلاش و نسيبها تغرق...
مش حقيقى ان حمدين و أبو الفتوح ضروا بعض لان أصوات حمدين كانت بينه و بين الفلول و أصوات ابو الفتوح كتلتها الاساسية كانت ح تروح لمرسى...
سنة و نص راح فيها دم كتير و اتقهرت أمهات و زوجات و ابناء و اتحمل فيها شباب ظلم و تعذيب و اعتقالات و إنهاك بدنى و نفسى و عصبي و البلد استنزفت ماديا و أمنيا و فى النهاية المحصلة الواقعية صفر او يمكن أقل لان الحرامية مش بس ح يخرجوا دول ح يزيدوا و يتشجعوا و يتبجحوا و رجعنا لنقطة البداية.. طيب كل ده كان ليه ما كان مبارك منورنا!!
|
|
التعليق والتصويت على الموضوع في الموقع الرئيسي
التعليقات
1 - عيب يا بنت حسن
عطالله باذنجان
(
2012 / 5 / 25 - 22:18
)
(((نفس الاخلاق القذرة و نفس الدور -السياسي القذر للكنيسة-)))
عيب يا استاذة يا متعلمة يا مثقفة يا ثورية !
لعلم سعادتك الكنيسة كانت حريصة تماما بالا تعطي أي توجيهات
لكن الظاهر ان بعض الاغبياء تصوروا ان الاقباط من حبّهم للاخوان ولابو الفتوح حيعطوه صوتهم
كم كنيسة هوجمت واحرقت بعد ثورتك المباركة يا ست لبنى؟
كم ابنة اختطفت؟
كم بيت أحرق وكم أسرة هجّرت وشرّدت؟
ألا تعلمين ؟؟؟
السذاجة ان ينتخب اي قبطي مرشح اسلامي أو مرشّح ممثل لهذه الهوجة الطائشة
أمّا البجاحة يا استاذة لبنى حسن فهي ان يعيب انصاف المتعلمين من الكتاب على الاقباط تصويتهم لشفيق في محاولة لحفظ بلدهم من الخراب الآتي على ايدي الاسلاميين وحلفائهم 6 ابليس وكفاية !
2 - الاخوان والوثني اخيرا
عبد الله اغونان
(
2012 / 5 / 26 - 02:05
)
الاخوان شاركوا في صنع الثورة وضبطها من المتهورين والفوضويين
واعطاهم الشعب ثقته في مجلس الشعب واعطاهم الان الرتبة الاولى لكن الفلول وبتحالف مع بعض الاقباط رشحوا شفيق لمزاحمة الاخوان وبرنامج التكامل مابين البرلمان والرئاسة اذ لو تولى شفيق لاقدر الله ستكون هناك ازمة بينهما والمصريون كلهم هم الخاسرون
لكن اصوات ابو الفتوح والسلفيين وكل الناقمين على النظام البائد ستصب الى جانب محمد مرسي
اللهم ول امورنا خيارنا
3 - الى عطا بذنجان تعليق رقم 1
عصام مجدى
(
2012 / 5 / 26 - 09:54
)
هو سيادتك عامل مش شايف حمدين صباحى ليه ما لو كنتم دعمتوه كان اشرف من توجهه الكنيسة لاختيار شفيق كده البلد مش ح تستقر و ح تهيج و انتو خسرتم اى تعاطف و شوف حتى المستنيرين من المسلمين بيبصوا لكم ازاى
يا اخى ده حتى عمرو موسى اشرف لكم...الكنائس حتى خارج مصر وجهت لاختيار شفيق و فيه اقباط اشتبكوا لفظيا مع اباء بسبب ده بس انت مصاب بمرض الانكار
4 - عنجهية عصام
عطالله باذنجان
(
2012 / 5 / 27 - 13:44
)
اعتراضي الاساس هو على:
(الاخلاق القذرة و الدور السياسي القذر للكنيسة)
أهذا كلام محترم من كاتبة محترمة ؟
التصويت لموسى كان ضياع للصوت لا يصح
حمدين بتاعك دخل مجلس الشعب بتحالف الاخوان
حمدين له على النت ما يثبت استزلامه لصدام (اصدام شخصيا ووصفه له ب القائد العربي النبيل ) ثم عاد وكذب علنا مدّعيا انه كان يساند شعب العراق لا قائده
السيد حمدين أيد وجود القاعدة في العراق وقتلها للامريكيين...ترى ما رأي قراء الحوار العراقيين في هذا الجنون؟
صرّح حمدين مرارا باستعداده لاتخاذ نائب له من الاخوان أو السلفيين في حال وصل للرئاسة
حمدين حماس و حزب الله نسخة كاريكاتورية من البكباشي الدكتاتور...ألا تذكر كيف انتهت النسخة السابقة في ليبيا؟ وكيف اهين المسخ القذافي في ساعاته الاخيرة من شعبه ...أم لعلك تريد ان اذكرك بايام مصر السوداء من نكسة الى وكسة ؟
خطاب الصباحي امس كشفه ممثلا هزليا يتقمص شخصية الدكتاتور الحنجوري المسئول الاصلي عن خراب مصر
ما تذكره بشان اختلاف اقباط المهجر ان صح دليل على عدم وجود تعليمات من رأس الكنيسة...
لا تفرض وصايتك على احد يا عصام..فلنا عقل وحرية ولسنا في ذمتك
.. استعدادات إسرائيلية ومؤشرات على تصعيد محتمل مع حزب الله | #غ
.. سائق بن غفير يتجاوز إشارة حمراء ما تسبب بحادث أدى إلى إصابة
.. قراءة عسكرية.. المنطقة الوسطى من قطاع غزة تتعرض لأحزمة نارية
.. السيارات الكهربائية تفجر حربا جديدة بين الصين والغرب
.. طلاب أميركيون للعربية: نحن هنا لدعم فلسطين وغزة
