الحوار المتمدن - موبايل
الموقع الرئيسي


بائعة الجبنة

أحمد سعده
(أيمï آïم)

2014 / 12 / 28
حقوق الانسان


كنت قاعد على القهوة بكتب بحث على اللاب.. قعدت ست عجوزة قصادي، كان معاها حلة كبيرة فاضية ولبسها بسيط، الضحكة مبتفارقش وشها كأنها جزء منها.. طلبت كوباية ميه.. الولد جاب لها المية.. قالتله مالك ياواد مكشر كده ليه وكاتب على وشك "شطبنا".. أنا كنت هموت من الضحك..


كان معاها فلوس فكة وفضة بتعد فيهم.. بصتلي وقالت عايز تفك فلوس؟ قلتلها ماشي هفك 50 جنيه.. قالتلي هتاخدهم 40.. مبتبطلش هزار..!! وبعد كده طلعت ساندوتشات.. وعزمت عليا وحلفت بإصرار.. وأخدت منها ساندويتش بطاطس..
سألتها: إيه الحلة دي؟ .. قالتللي ببيع فيها جبنة قريش في السوق..

إمراة تعدت الستين من عمرها، تشعر بقيمتها ودورها في الحياة، وتحتفظ بقدرتها على التفاؤل.. ولسة بتقاتل علشان لقمة العيش، رغم ان اللي بتكسبه ملاليم... في وقت غيرها بيكسب ملايين وفاقد قيمة الحياة..

للأسف شباب كتير أصغر منها وحياتهم أفضل لكن محبطين، وفاقدين للأمل... مش هنكر إننا عندنا مشاكل كتير اقتصادية وسياسية واجتماعية.. لكن كمان المشكلة الأكبر دلوقت بقت إن معظم الشباب عندهم اكتئاب وتوتر وفقدان ثقة، وعايزين يبقوا أغنياء مرة واحدة بدون أدنى مجهود..!

من يبحث دائما عن المال.. لن يشبعه أي مال.. ومن يبحث عن التميز خارج نفسه، لن يشعر بالتميز أبدا بينه وبين نفسه..

إبحث دايما عن السعادة داخل نفسك.. واستمتع بحياتك طالما لسة عايش وبتتنفس، وقادر تمشي على رجلك...





التعليق والتصويت على الموضوع في الموقع الرئيسي


اخر الافلام

.. الأمم المتحدة: إزالة دمار الحرب في غزة يتطلب 14 سنة من العمل

.. السودان.. مدينة الفاشر بين فكي الصراع والمجاعة




.. إعلام إسرائيلى: إسرائيل أعطت الوسطاء المصريين الضوء الأخضر ل

.. كل يوم - خالد أبو بكر ينتقد تصريحات متحدثة البيت الأبيض عن د



.. خالد أبو بكر يعلق على اعتقال السلطات الأمريكية لـ 500 طالب ج