الحوار المتمدن - موبايل
الموقع الرئيسي


النظرة التي سرقت قلبي ..

محمد السعيد أبوسالم
(Mohamed Elsaied Abosalem)

2015 / 7 / 9
الادب والفن


النظرة التي سرقت قلبي ..

أنا مش مغرور
ولا حتى اناني
أنا عاوز فرصه وتلقاني
مش ممكن تعجبها دماغي
مش ممكن صوتي يسرقها
من حزن في أيامها بيوجعها
أو مثلاً يعنى
مش ممكن تهواني ؟.

أنا عاوز فرصة حقيقيه
مش كلام في دنيا افتراضيه
انا عاوز نبعد عن بوح الزراير
وإنتظار تنبية بالرد
لحضن النيل وريحة القهوه
ورقص الليل مع أول لمسة
وماسكة إيد تقتل بدفاها البرد,

شوفتك في الشارع بتعدي
قلبي طار من ضلوعي وعدالك
وفى ديل فستانك إتعلق
وحلف ما هيرجع تاني,

من يومها والحاله جنون
بلف وأدور وأسأل عنك
وأنادي وأقول
"طيف يا ناس وخطفني
مش عارف إسمه ولا يعرفني
عدى عليا ساعة عصاري
من لحظتها وأنا رايح جاي
من بلد لبلد وفى كل حاره وحي
بسأل عنها كل حي
يمكن عليها حد يدل
اللي يعرفها يبلغها بحبي
وانى قالب عليها السما والارض
وفناجين القهوه
وخطوط الكف
وبلورة العرافه
وكلام الودع والرمل"

ريحة شعرك سكناني
بتجدد كل أنفاسي
نظرة عينك سرقاني
وضحكتك ماليه كياني
أنا مش عاوز غيرك أحبه
مش عاوز غيرك يا ملاكي,

انا مش مغرور
ولا حتى اناني
انا عاشق من النظره الاولى
واسطورة حبي مجنونه
بزرع الأمل في شقوق الأحزان
وأحصد يأس يغزل في الآلام
لكن برده بجرب وهجرب تاني
يمكن مره البذره تعافر
وتزهر بلقاكي
وساعتها نتشارك خطوينا
فتفرح بالحب عيونا
ونلون بالنبض دروبنا
وتزور الأعياد أيامنا
وتزين الكون حوالينا,

انا مش مغرور
ولا حتى اناني
أنا حبيتك
ومستحيل أبداً أنساكي .....





التعليق والتصويت على الموضوع في الموقع الرئيسي


اخر الافلام

.. كل يوم - الفنانة دينا فؤاد لخالد أبو بكر: بحب التمثيل من وأن

.. كل يوم - دينا فؤاد لخالد أبو بكر: الفنان نور الشريف تابعني ك



.. الفنانة دينا فؤاد لخالد أبو بكر: لحد النهاردة الجمهور بيوقفن

.. كل يوم - الفنانة دينا فؤاد لخالد أبو بكر: كل ما أشتغل بحس بن



.. أقرب أصدقاء صلاح السعدني.. شجرة خوخ تطرح على قبر الفنان أبو