الحوار المتمدن - موبايل
الموقع الرئيسي


لا تستعجل

حيدر حسين سويري

2016 / 10 / 14
الادب والفن


إلى المعتوه "أردوغان" أكتب إليه هذه القصيدة من الشعر الشعبي العراقي
" لا تستعجلْ "
حيدر حسين سويري
.......................................
لا تستعجلْ
خافن قايدلك كم نعجه
وتتصور نفسك مستفحلْ
لا تستعجل
إسئل أهل الهور إشسوو
تاريخ ايدون ويسجل
لا تستعجل
"أردوكَان" وإسمك طاغي
شما تتكبر لازم تنزل
لا تستعجل
كَبلك ياما وياما الحكموا
وختلو تالي بجلباب الذل
لا تستعجل
الموصل موصلنا وتعرفنا
إحنا نكَول وحتماً نفعل
لا تستعجل
لا حسبالك داعش ذبحت
وخفنا من جلابك من نبحت
إحنا شما تذبح هم ننبت
وراح نحشكم حش بمنجل
لا تستعجل
إحنا أهل الهور أهل الغيره
من "سومر" تاريخ السيره
لا تصفن لتظل بحيره
من نفزع عن الحكَـ مَنزل
لا تستعجل
وداعت عاشور وأحزانه
وداعت عباس وخوانه
مَيهمنا إبليس وأعوانه
ولو نركض دنياك اتزلزل
لا تستعجل
.................................. الجمعة 14 / 10 / 2016





التعليق والتصويت على الموضوع في الموقع الرئيسي


اخر الافلام

.. شكلت لوحات فنية.. عرض مُبهر بالطائرات من دون طيار في كوريا ا

.. إعلان نشره رئيس شركة أبل يثير غضب فنانين وكتاب والشركة: آسفو



.. متحف -مسرح الدمى- في إسبانيا.. رحلة بطعم خاص عبر ثقافات العا

.. أون سيت - هل يوجد جزء ثالث لـ مسلسل وبينا ميعاد؟..الفنان صبر



.. حكاية بكاء أحمد السبكي بعد نجاح ابنه كريم السبكي في فيلم #شق