الحوار المتمدن - موبايل
الموقع الرئيسي


ياعين لا تدمعي

نادية خلوف
(Nadia Khaloof)

2017 / 1 / 15
الادب والفن


يا عين يكفّي بكي
شو نفع الحزن يا عين ؟
ما في حدا لا تشتكي
الوجع بالقلب. يكفّي ندب
صار البكي مثل الضحك
والعتب مرفوع
نموت نحنا من الحزن
وصوت الطرب مسموع
يكفي بكي.
ماحدا ع ميسمعك
. . .
يا قلب جرحك مالو دوا
مالك حدا بالكون
العالم ما يسألك
وممنوع أنت تسألوا
ليش البكي بيفيد؟
السّر انت كاتمو
والعمر كلّو تهديد
توقف عن البكي
وبجروحنا لا تزيد
. . .
كلو كذب، بعضو نصب
ما في شعب
بالوطن بتعيش مثل الكلب
بس الكلب في ناس تقدرو
وأنت ملك مكان
دمّك هحال
أوعا تفكر تهدرو

. . .
اسم الوطن كذبة
والعمر غربة
والدّمع. ليش الدمع؟
مغسول وجهك بالصّبر
ناطر والقهر بيزيد
وما بقى غير القبر
بالحزن لا تزيد
. . .
يا عين لا تدمعي
الدّمع ما يرجع حدا من القبر
صوت الكذب عالي
وصوت القتل مثل المطر
صار للقتل عيد
اسمو عيد النّصر
والدهر بيردّد وبيعيد
. . .
ياروح يكفي حزن
ع ميسرقوا آهاتك
تنوحين بعز الضهر
يزيدون علاتك
يعملولك عيد عالهوا
ويقتلون كلّ الفرح اللي مرّ
وتنتهي ضحكاتك
يا عين لا تدمعي





التعليق والتصويت على الموضوع في الموقع الرئيسي


اخر الافلام

.. ملتقى دولي في الجزاي?ر حول الموسيقى الكلاسيكية بعد تراجع مكا

.. فنانون مهاجرون يشيّدون جسورا للتواصل مع ثقافاتهم الا?صلية




.. ظافر العابدين يحتفل بعرض فيلمه ا?نف وثلاث عيون في مهرجان مال

.. بيبه عمي حماده بيبه بيبه?? فرقة فلكلوريتا مع منى الشاذلي




.. ميتا أشوفك أشوفك ياقلبي مبسوط?? انبسطوا مع فرقة فلكلوريتا