الحوار المتمدن - موبايل
الموقع الرئيسي


إللى تؤمر بيه طال عمرك

أيمن غالى

2018 / 3 / 31
كتابات ساخرة


نقرأ فى كتاب تاريخ الصلاة فى الإسلام* للدكتور جواد على؛ فى كلامه عن تاريخية وظيفة الإمام؛ إلى أن تعيينه كان قاصراً على الخليفة؛ بمعنى إنه كان تابعاً مباشرةً للخليفة؛ زى منصب وزيرى الداخلية و الخارجية النهاردة فى مصر, و كونهم تابعين مباشرةً لرئيس الجمهورية لا لرئيس الوزراء كباقى الوزراء ..
يعنى الإمام ما يقدرش يقول أى كلام غير إللى يوصى عليه و يوافق عليه الخليفة, و ما فيه صالح الخلافة و إستمرار حكمه و ثباته؛ يعنى ياخد الكلام من بوء الخليفة لودان الناس؛ زى دور الميكروفون ( اللاقط؛ حسب الترجمات العربية ) بالظبط .. يمدح الخليفة على كل كَحَة يكُحها و يُنفُخ فيه على كل حاجة بيعملها حتى و لو كانت سمجة و سخيفة, و يمثله بظل الله على الأرض و لو لزم الأمر لتأليهه ..

و نتذكر حكاية الخليفة المتوكل؛ الشيش بيش لَمَّا كان خارج يصطاد عصافير و سهمه طاش و خادمه ( و فى قول آخر أحد وزراؤه ) بيقول له: يا دين النبى .. إيه الحلاوة دى .. أحسنت يا مولاى .. إيه العظمة دى يا كبير ؟!! ..
فقال له المتوكل: أنت بتشتغلنى يالا ؟ وَلَّا بتستهزأ بىَّ يا روح أمك ؟
فقال له: أقصد إنك أحسنت للعصفورة و سيبتها تعيش و تاكل قراقيش ..

نرجع تانى للإمام و الأئمة و نشوف و نقارن كلام د. جواد على, و حكاية الخليفة الشيش بيش, و نشوف الحال فى المملكة السعودية, و تطبيل مفتى و مشايخ المملكة و تلاميذ إبن تيمية و أحفاد بن عبد الوهاب على قرارات ولىَ العهد و هو بيهدم لهم تراثهم الوهَّابى إللى بياكلوا منه عيش, و إللى تؤمر بيه طال عمرك ..
بلاش تِدعوا على اليهود و النصارى .. بلاش نِدعى عليهم؛ طال عمرك
المعازف و المراقص حلالون بلالون .. تبقى حلالون بلالون؛ طال عمرك
قيادة المرأة للسيارات حلالون بلالون .. تبقى حلالون بلالون؛ طال عمرك
السياحة و الشواطئ و المايوهات حلالون بلالون .. تبقى حلالون بلالون؛ طال عمرك
ما فيش نصوص شرعية تفرض إرتداء العبايات و غطاء الرأس الإسود على المرأة .. يبقى ما فيش؛ طال عمرك
ترباتا تى ترباتا تو .. ترباتا تى ترباتا تو؛ طال عمرك
إعملوا عجين الفلاحة .. نعمل؛ طال عمرك
إعملوا حَجْلِة الغراب و نوم العازب و شقلباظ القرد .. نعمل؛ طال عمرك

* تاريخ الصلاة فى الإسلام, دكتور جواد على, جامعة بغداد, مطبعة ضياء, بغداد, ص17





التعليق والتصويت على الموضوع في الموقع الرئيسي


اخر الافلام

.. ياحلاوة شعرها تسلم عيون اللي خطب?? يا أبو اللبايش ياقصب من ف

.. الإسكندرانية ييجو هنا?? فرقة فلكلوريتا غنوا لعروسة البحر??




.. عيني اه يا عيني علي اه?? فرقة فلكلوريتا مع منى الشاذلي


.. أحمد فهمي يروج لفيلم -عصـ ابة المكس- بفيديو كوميدي مع أوس أو



.. كل يوم - حوار خاص مع الفنانة -دينا فؤاد- مع خالد أبو بكر بعد