الحوار المتمدن - موبايل
الموقع الرئيسي


يكش تولع

رمزى حلمى لوقا

2018 / 6 / 17
الادب والفن

السكوت ما عادش ينفع
و الكلام ما عدش يوجع
مهما تُهنا فى يوم هنرجع
تانى و نعيد اللى فات


طول ما عقلك جوة راسك
لمّا فقرك يبقى كاسك
خاللى إحسانك لناسك
غنى موالك آهات


يا ما قولنا و يا ما عيدنا
الهدية جات فى عيدنا
و ف غضبنا و ف وعيدنا
ننسى بوصلتنا لساعات

يضرب المربوط يجيله
ألف جاهل وسط جيله
يلحسوا أرضه و نجيله
يركعوا لحد الممات


شوف يا صاحبى ... و أنت مالك
خاللى تركيزك فى حالك
و ف إيمانك و ف ضلالك
إنتظر تمن السُكات


كلنا مش نفس حالتك
كنا واحد يوم إحالتك
خالتى ما بقتش خالتك
يوم ما فرقنا الخالات

---

---

---

التعليق والتصويت على الموضوع في الموقع الرئيسي

---

.. الفنانة دينا فؤاد لخالد أبو بكر: تكريمي من الرئيس السيسي عن


.. كل يوم - الفنانة دينا فؤاد لخالد أبو بكر: نفسي ألعب دور فتاة




.. كل يوم - دوري في جمال الحريم تعب أعصابي .. والمخرجة قعدتلي ع


.. كل يوم - الفنانة دينا فؤاد لخالد أبو بكر: بنتي اتعرض عليها ب




.. كل يوم-دينا فؤاد لخالد أبو بكر: أنا ست مصرية عندي بنت-ومش تح