الحوار المتمدن - موبايل
الموقع الرئيسي


يعنى إيه؛ شُغل تلات ورقات بالمصرى ؟

أيمن غالى

2018 / 7 / 3
كتابات ساخرة

● عايز أغسل العربية، بَرَّة و جُوَّة
○ بخمستاشر جنيه، حُطها هنا على يمينك ..
جِه واحد بجردل صابون, و غطى العربية بطبقة صابون و مشى ..
جِه من بعده واحد تانى, و دعك الصابون فى صاج العربية و مشى ..
جه واحد تالت, و غسل الصابون إللى على العربية و مشى ..
جِه واحد رابع, و مسح و نشِّف صاج العربية و مشى ..
جِه واحد خامس أخد الدواسات و مشى ..
○ هات العربية و حطها هناك على شمالك ..
جِه واحد و معاه فرشة, و نَضَّف أرضيِّة العربية و مشى ..
و جِِه واحد تانى و معاه مكنسة شفط كهربية, و شَفَّط الأتربة من جُوَّة العربية و مشى ..
و جِه واحد تالت بفوطة بصابون, و مسح التابلوة و الأبواب من الداخل و مشى ..
و جِه واحد رابع بفوطة ناشفة, و مسح إللى مسحه إللى قبله و مشى
○ هات العربية, و حطها قُدامك هنا ..
إللى أخد الدواسات جَابها, و حَطَّها مكانها و مشى ..
و جِه واحد تانى, و لَمَّع إزاز العربية و مشى
○ تمام كده يا باشا ؟
● تمام، إتفضل الـ15 جنيه إللى طلبتهم
○ شكراً يا باشا .. راضى بَقى الرجالة
أراضى مين وَلّا مين .. عملتوها فىّ يا ولاد الإيه ؟!!

---

---

---

التعليق والتصويت على الموضوع في الموقع الرئيسي

---

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ




.. اللعبة قلبت بسلطنة بين الأم وبناتها.. شوية طَرَب???? مع ثلاث


.. لعبة مليانة ضحك وبهجة وغنا مع ثلاثي البهجة الفنانة فاطمة محم




.. الفنانة فاطمة محمد علي ممثلة موهوبة بدرجة امتياز.. تعالوا نع