الحوار المتمدن - موبايل
الموقع الرئيسي


نص حنطوشية / اريد اشتري قناة فضائية

سلمان عبد

2018 / 8 / 1
كتابات ساخرة


وداعا للمگردة !!! وبقدرة قادر صرت ملياردير ، لا تتعجبون ، انا راح اگللكم اشلون ؟ وهاي القصة اتفضلو واقروها :
طلع عندي اجداد زناگين في مدينة " أبو غرگ " الواقعة بين مدينة الحلة ومدينة طويريج ، وهذولة الأجداد زناگين حيل ويملكون عقارات وعمارات ومطارات وشقق على البحر وكلشي وكلاشي بمدينة أبو غرگ نفسها ، حطو راسهم وماتو وماكو وريث لكل هالثراء غير حضرة جنابي ، المشكلة هاي الزنگنة و " الكعكة " اشراح اسوي بيها ؟ فكرت وگلت لما آني صحفي واعلامي وعندي " إرادة " كلت خلي اشتري " قناة " فضائية ابث منها افكاري و اتجاهاتي ، لا تگولون مكلفة و الشغلة وراها ملايين الدولارات مو فلس وفلسين ، اعرف هذا ، بس ولا يهمكم ، راح اشتريها بشچم مليون دولار" مو دينار " ، وأأجر مقر محترم ابغداد بشچم مليون دينار ، وستاف ضخم من الموظفين والاداريين برواتب مجزية ، وفنيين من مذيعين و مخرجين و ديكوريين و انارة و خشمك اذنك بشچم مليون ، ومراسلين بكل المحافظات مع مكاتب بالخارج بشچم مليون ادفع كل هالمبالغ شهريا ، الملايين ارش بيهن رش بلا وجع گلب لان مو تعبان بيهن ، والف رحمة على روح اجدادي .
واللي يشد حزامه وياي بــ " ارادتنا " راح اخليه محلل سياسي .





التعليق والتصويت على الموضوع في الموقع الرئيسي


اخر الافلام

.. حورية فرغلي: اخترت تقديم -رابونزل بالمصري- عشان ما تعملتش قب

.. بل: برامج تعليم اللغة الإنكليزية موجودة بدول شمال أفريقيا




.. أغنية خاصة من ثلاثي البهجة الفنانة فاطمة محمد علي وبناتها لـ

.. اللعبة قلبت بسلطنة بين الأم وبناتها.. شوية طَرَب???? مع ثلاث



.. لعبة مليانة ضحك وبهجة وغنا مع ثلاثي البهجة الفنانة فاطمة محم