الحوار المتمدن - موبايل
الموقع الرئيسي


اه ياهيبة وطنَّه !!!

زهور العتابي

2018 / 9 / 19
الادب والفن


يا وَطن ....
شبقَه
منَّك بعد مامَنهوب !!
والنباك منَّك
يا عراق انباك منّه ♧
وخيرك
صفَه للغير !!
وسفَه وما هو اَلنّه♧
وناعورَك يدور
بلايَه عِرفَه بلايَه ماي !!
وصَبخة صفَت
ياحيف كاعج يهَلنّه ♧!!
شنحجي بَعد !؟
شنكول !؟
مو حتى
صندوك العِرس باكوه !!
لا فَرح ..لا ذكريات
ولا جلمات حلوَه البقت منَّه♧
وليلَك ....
ما هُو ذاك الليل!!
لا مسامَر لا حِلم لاسَهر !
وصفَه ويّ
النجم شاحِب كمرنَه♧
وبعد كِلّش
ما فززنه يوم
الفَرح وي طَرّة فَجرنَه♧
المشاعر
و ويّاها الاحساس
شالَن !
ظل بَس الشِعر
بحركَه وقهر يتغنّه بحزنَّه♧
نكَت بينَه الزِمان
وفَرنَه دولاب !!
جِنّه وين...و وين صرنَه♧ !!
صفينَه
مثل صَرخة الغَركان !!
اليِصيح ....
بصوت من بعيد
مَخنوك
وين اخو خَيته !!
الينتِشلّنَه ♧♧
ويرد
الراح مِن هيبة وَطنَه ♧





التعليق والتصويت على الموضوع في الموقع الرئيسي


اخر الافلام

.. بل: برامج تعليم اللغة الإنكليزية موجودة بدول شمال أفريقيا


.. أغنية خاصة من ثلاثي البهجة الفنانة فاطمة محمد علي وبناتها لـ



.. اللعبة قلبت بسلطنة بين الأم وبناتها.. شوية طَرَب???? مع ثلاث

.. لعبة مليانة ضحك وبهجة وغنا مع ثلاثي البهجة الفنانة فاطمة محم



.. الفنانة فاطمة محمد علي ممثلة موهوبة بدرجة امتياز.. تعالوا نع