الحوار المتمدن - موبايل
الموقع الرئيسي


ياحبيبي ..!

طالب الجليلي
(Talib Al Jalely)

2018 / 10 / 8
الادب والفن

غريبه الروح
ولهانه أوما تهيد ..اتون
مثل ناكه ابجزيره اتيه
مامش في عليه اتجن
بس طيفك يراودها
ولا جنك تحس بيها
اوعليها اتحن
اخ يا حزن السواجي
الما يمر بيها الماي
مو بالشفه احس العطش
هاي اجتافي للعباس
احسنه ولك بجلاي !!
من تبعد علي لحظه
تصير اهمومي
موش اسيوف!!
احد ومضى. ..
أظل احسبلك الخطوات
الولي الطيفك السهران
اهيدنه ولا يرضى
يروح الروح
لا اتسافر!!
مو كتلك تراها الروح
تبرالك عالدرب وياك
وتهاجر
اخذها اوياك ترجيه
لو خضرمة امن العين
وتخازر،،،،
اكلك روح
بلجن تحس ابغربتي
ابلياك
اوتحن الروح
بلجن تسمع الونه
اوتحن حنة
الماتحنها النوك
شوكي الك شوك الكطا
وون ونة حمامة دوح

---

---

---

التعليق والتصويت على الموضوع في الموقع الرئيسي

---

.. أون سيت - هل يوجد جزء ثالث لـ مسلسل وبينا ميعاد؟..الفنان صبر


.. حكاية بكاء أحمد السبكي بعد نجاح ابنه كريم السبكي في فيلم #شق




.. خناقة الدخان.. مشهد حصري من فيلم #شقو ??


.. وفاة والدة الفنانة يسرا اللوزي وتشييع جثمانها من مسجد عمر مك




.. يا ترى فيلم #شقو هيتعمل منه جزء تاني؟ ??