الحوار المتمدن - موبايل
الموقع الرئيسي


حجايتين -2-

مروان مازن

2018 / 12 / 4
كتابات ساخرة


- اجيبلك عشا ويايه؟
- اي والله تسوي فضل
- شجيبلك؟
- بكيفك
- لا گول انت شعاجبك تاكل من يا مطعم
- گص من ابو فلانة
- اعذرني والله ما رح افوت مناك
- بكيفك لعد منين ما تريد جيب
- لا ما يصير .. انت شتحب غير الگص؟
- همبرگر من الافتلان
- خاف ما يخلوني اوگف السيارة هناك
- مو گلتلك بكيفك يابه لا تدوخ راسك
- دوختيش يمعود دگول
- لحم بعجين من بيتزا علانة
- ازدحام و هوسه يطولون من يسووه اتأخر كلش عليك
- دروح الله يرضى عليك و بكيفك من اي واحد على طريقك
- غير اعرف شتحب
- عمي دجاج عالفحم من دجاج العلانية
- خلي يولون دجاجتهم صغيرة و غالية و فوگاها محروگة
- بعد بكيفك
- لا بشرفك شتريد؟
- بكيفك والله
- اجيب صاج ؟
- بكيفك
- انت تريد؟
- اي عادي بكيفك
- لا تگول بكيفك اي لو لا؟
- بصراحة ما احب الصاج
- صدگ؟ لك الفلاني يسويه يخبل
- والله ما احبه
- جربه ما خسران شي
- بكيفك
- هاهيه اتفقنا


ملاحظة : عادل عبد المهدي و الاصلاح و البناء معليهم بالسالفة





التعليق والتصويت على الموضوع في الموقع الرئيسي


اخر الافلام

.. ملتقى دولي في الجزاي?ر حول الموسيقى الكلاسيكية بعد تراجع مكا

.. فنانون مهاجرون يشيّدون جسورا للتواصل مع ثقافاتهم الا?صلية




.. ظافر العابدين يحتفل بعرض فيلمه ا?نف وثلاث عيون في مهرجان مال

.. بيبه عمي حماده بيبه بيبه?? فرقة فلكلوريتا مع منى الشاذلي




.. ميتا أشوفك أشوفك ياقلبي مبسوط?? انبسطوا مع فرقة فلكلوريتا