الحوار المتمدن
- موبايل
الموقع
الرئيسي
خسارات
رياض الركابي
2007 / 6 / 20الادب والفن
اشباقي من العمر شي ينفرح بي
ويرسم طيف ضحكة ابشفة الاحزان
گبل لون التعب واحد او معروف
هسه الضيم اجانه اشكال والوان
كصه بينه الزمن روج او گصه اجروف
او مثل دهله صفينه ابحضن نهران
من لب الگلب يثلم بالعزاز
او يعلگهم قطع سود اعله حيطان
غشاوة عين كون اتروح ونشوف
وبعد العين مانحتاج برهان
ابفلم هذا الوطن منهو انذبح شاة
او منو الثوبه نظيف او منو الشيطان
مركونين عالرف سلع للبيع
نهرين او شعب .. والوطن دكان
نحلم بالجرف .. بس وين الجروف
زمن نوح انتهى والجانه طوفان
كافي امن الحلم مانحلم انوب
اليدمن عالحلم .. يكضيها خدران
الحكمة اتگول .. وگفه اتموت الاشجار
لچن ذلة التعب بوجوه الاغصان
او شتان الغمد مايشبه السيف
للسيف الفخر والغمد سجان
وكت صاير غمد واحلامنه اسيوف
او جيب اللي يسل .. مو كان من كان
الموت امن العطش بالصحرا معقول
الجريمة ابنص جرف ويموت عطشان
شنو الحكمة حطب نجمع من الصيف
او يمر ليل الشتا واحدنه بردان
صفگنه .. او هتفنه .. او عيش ماعيش
او گلنه ابين امس واليوم شتان
او مر طعم الحقيقة .. ونخجل انكول ..
الخسر وكت الصنم .. هم باقي خسران
|
التعليق والتصويت على الموضوع في الموقع الرئيسي
.. أمسيات شعرية- الشاعر فتحي النصري
.. فيلم السرب يقترب من حصد 7 ملايين جنيه خلال 3 أيام عرض
.. تقنيات الرواية- العتبات
.. نون النضال | جنان شحادة ودانا الشاعر وسنين أبو زيد | 2024-05
.. علي بن تميم: لجنة جائزة -البوكر- مستقلة...وللذكاء الاصطناعي