الحوار المتمدن - موبايل
الموقع الرئيسي


الحياه حلوة

هناء أبو العز

2007 / 7 / 21
مواضيع وابحاث سياسية


عجيب هو حال المواطن المصرى... فدائماً لايعجبه حاله لاتراه الاشاكياً متأوهاً متازماً... ترتسم على وجهه فيما بين حاجبيه العدد111 وعلا شفتيه الرقم 8 فوجهه كله ارقام وحسابات... حتى فى يوم الابتسامه الشهريه تجد كل الارقام اتلخبطت وتلاقى لوغاريتما ت اتعقدتانا مش عارفه هوه عايز ايه بالظبط... بياخد مرتب مايحلمش بيه أى مواطن فى أى بلد عالمى لدرجه ان اوقات المرتب يوصل بعد الحوافز والمكافأت الى 200جنيه... ايوة صحيح فى مواطنين باخدو ا اقل من كده بس هى مجهودات برضه ... وبرضه مابيفكرش يبص للى تحته ويرضى ...لا تقول ايه الطمع بقى ... يمسك كده المرتب فى ايده ويقعد يحسب للدنيا والاخرة... عايز كيلولحمه بأربعين جنيه مالها اللحمه ام 10و15 جنيه اينعم مش عارفين مصدرها ايه بالظبط وأى نوع من الحيوانات تكون... بس أهى لحمه ...حاجه حمراء وخلاص... يجى يقول مصاريف المدارس وهدوم العيال ...مهو لازم الواد والبنت من دول يخلو عندهم دم الصراحه ....فبدل مايكلفوا ابوهم كل شويه يروحوافى اىميدان محترم ويمدوا ايديهم للى رايح واللى جاى... مش عيب اهم يعيشوا عيشه محترمه .... ويرجع الموظف من دول يقول نور ومياه وكهرباء ...مايعيش عيشه أهله بقى مش كانوا على لمبه جاز... صحيح انا ناسيه ان الجاز غلى هو كمان .... بس مش مهم بلاها لمبه الجاز... الانسان البدائى كان عايش على ايه ولا احنا يعنى لازم نعيب فى الحكومه كل شويه ونطلعها غلطانه ووواكله حقوقنا وهى السبب فى الجفاف اللى احنا فيه ...زمان قلته الحكومه مش نظيفه اهم جابولكم النظافه كلها ايه حجتكم بقى ... موفر لكم سكن نظيف ومياه نظيفه وكهرباء نظيفه حتى الفراخ برضه نظيفه والراجل راايق والحياه نظيفه خالص والمعامله أنظف بصراحه لاظابط يشدك من قفاك ولا عسكرى يساومك على رخصه المرور ولا أى حاجه من دى خالص وبرضوه مش سايبيبنه فى حاله ده لما قزقز لب فى المجلس قومتوا الدنيا وقعدتوها... وولاعجبكم وزير صحه ولا مرض عايزين تغيروا ايه تانى ناقص تقولوا نغيروا البيج بوص بقى .... اهو ده يبقى الفجر بعينه





التعليق والتصويت على الموضوع في الموقع الرئيسي


اخر الافلام

.. انتخابات رئاسية في تشاد بعد 3 سنوات من استيلاء الجيش على الس

.. الرئيس الصيني في زيارة دولة إلى فرنسا والملف الأوكراني والتج



.. بلحظات.. إعصار يمحو مبنى شركة في نبراسكا


.. هل بات اجتياح مدينة رفح قريبا؟




.. قوات الاحتلال تقتحم مخيم طولكرم بعدد من الآليات العسكرية