الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
شعارات لمسيرة ضد غلاء الاسعار
خالد منصور
عضو المكتب السياسي لحزب الشعب الفلسطيني
2007 / 9 / 14
كتابات ساخرة
ضد الغلاء
يا فياض ويا عباس
تعو شوفو هموم الناس
*****************
الاسعار زي النار
وحال الناس بانهيار
***************
للحكومة جينا نقول
للمشاكل حطي حلول
****************
بدنا رقابة عالاسعار
بدنا ضبط للتجار
***************
بدنا رقابة عالاسواق
جنون الغلا ما بينطاق
*****************
اسال نفسك يا وزير
شو اللي جبتو للفقير
غير الهم والتعتير
جينا نشوف المسئولين
في المالية والتموين
****************
جينا نوصل رسالة
لاصحاب المعالي
فقر وجوع وبطالة
ساءت والله هالحالة
***************
يا رئيس عليك اللوم
ليش الغلا بشهر الصوم
*******************
يا رئيس شعبك بسال
ضد الغلا شو راح تعمل
*******************
يا فياض وينك وينك
جنون الغلا قدام عينك
*****************
يا فياض وين المال
وشعبك عايش باسوا حال
*******************
شكرا شكرا يا وزراء
عا افقار الفقراء
عا تهميش الضعفاء
*****************
يا حكومة شوفي الحال
ليل الفقرا والله طال
*****************
لا لا للاجحاف
بدنا العدل والانصاف
*****************
ياستونا من الاصلاح
مجلس اجا ومجلس راح
وزير اجا ووزير راح
والفساد ما بينزاح
*****************
انتبهو انتبهو يا حكام
عرش الظلم عمرو ما دام
*******************
اسمع اسمع يا وزير
كرسي تحتك بكرة بطير
احنا بنسعى للتغيير
وغضب الفقرا والله كبير
*********************
يا وزير شعبك بسال
ضد الفقر شو راح تعمل
*******************
غول الفقر عم يزداد
وانتو عنا والله بعاد
****************
طل وشوف يا وزير
اسمع صوت الجماهير
******************
اسمع صوت المهملين
صوت الشعب المظلومين
*******************
يا فيض ويا عباس
خبز الناس وامن الناس
هو الاصل والاساس
*****************
يا اخوانا الوزراء
شوفو احوال الفقراء
*****************
صوت الشعب هادر هادر
يسقط يسقط جوع الكافر
*******************
يا رئيس الحكومة
حقوق الشعب مهضومة
*******************
الحرامية الهباشين
جرح بظهرك يا فلسطين
ناس بتربح ملايين
وناس بتشحد كيس طحين
*********************
للحكومة جينا نقول
هذا الغلا مش معقول
******************
يا وزارة ما بيصير
قعدتونا عالحصير
غول الغلا زاد كثير
****************
يا اصحاب الخامة
بدنا نعيش بكرامة
**************
يا وزير المالية
حوال الناس مهرية
****************
بدنا عدالة بالتوزيع
حقوق الفقرا ليش تضيع
*******************
مطالبنا بالتحديد
ابدا عنها ما بنحيد
******************
بدنا ضبط هالاسعار
بدنا نشعر باستقرار
*****************
صوت الشعب عالي عالي
والمسئول لا مبالي
*****************
يا زعامة هالبلاد
وين الدعم والاسناد
****************
بدنا خطة للانعاش
وحكي كثير ما بدناش
*******************
شبعتونا بالوعود
وصار الفقر بلا حدود
******************
بدنا عدالة بالتوزيع
وحقوق الفقرا اوعو تضيع
********************
يا زعامة هالبلاد
انتو بواد واحنا بواد
****************
الاصلاح والتغيير
شعارات للتخدير
الاسعار عم بتطير
والفقير عالحصير
***************
يا رئيس كيف كيف
شعبك بركض ورا رغيف
*******************
يا وزارة التموين
بدنا دعم للطحين
****************
الله يعينك يا فقير
بكرة العيشة كيف بتصير
********************
المسئول كرشو بكبر
ووضع الشعب عم بتدهور
|
|
التعليق والتصويت على الموضوع في الموقع الرئيسي
.. فايز الدويري: فيديو الأسير يثبت زيف الرواية الإسرائيلية
.. أحمد حلمى من مهرجان روتردام للفيلم العربي: سعيد جدا بتكريمي
.. مقابلة فنية | الممثل والمخرج عصام بوخالد: غزة ستقلب العالم |
.. احمد حلمي على العجلة في شوارع روتردام بهولندا قبل تكريمه بمه
.. مراسل الجزيرة هاني الشاعر يرصد التطورات الميدانية في قطاع غز
