الحوار المتمدن - موبايل
الموقع الرئيسي


(( آذار .. الحز ب والناس ))

جواد القابجي

2008 / 3 / 23
الادب والفن


إجه آذار الننطره من زمان ..
او خضّرت كل البساتين الجميله ..
اوزهت ألوان المحبّه ..
بيهه لون الانتفاضه ..
او بيهه يوم اثمانيه.. اليزهي جمال ..
يوم للمرأه العظيمه ..
موش بس شدّة ورد .. ألهه كل ارياضنه .. الحلوه ورود ..
هذا آذار الجميل ..
بيه نوروز المحبه .. التزهي بيه أفراحنه ..او بي ربيع ارواحنه ..
أوبيه كل عام الحزب ..يرجع شباب ..
بي فهدنه .. او بيده جاكوجه او يلوح ابمنجله ..
ياهله ابآذار .. أهلاً ياهله ..
اوطفرت ادموع الفرح ..
تغسل اوجوه الصباحات الجميله ..
اوليله ليله ..
الكَمر والنجمات داير روسنه اتغنّي الاصيله ..
ياهلابَك .. ياهله ابآذارنه ..
نجمه نجمه إلتمّن الحلوات .. غنن للعراق ..
أحله غنّيوات .. غنن ياعراق ..
***************
إلميلادك حبيبي ..
نشعل امشاعل ..
وإنوج ما نطفّي اشموع ..
ونخلّي الشموع اتكَوم تتبختر ..
حي بستان .. ورد أزهر ..
اولو تقطف الورده .. ابساع تلكَه امجانهه خضّر ..

السنين اتمر سريع .. او انتَ ماتكبر ..
تبقه انتَ الشباب .. ابروضك اليزهر ..
يارمز النضال البيك .. ظل طول العمر أخضر ..
نصير اعله المنايه اجسور
احنه انصيرلك .. معبر ..
يالمن الصعاب اثكَال .. مرّت ونتَ سبع البر ..
تظل رغم اليضّدك شاب .. طال العمر يو كَصّر ..





التعليق والتصويت على الموضوع في الموقع الرئيسي


اخر الافلام

.. غادة عبد الرازق: ليس لي منافس على الساحة الفنية ولا يوجد من


.. غادة عبد الرازق: الساحة الفنية المصرية لم تعد بنفس قوة الماض



.. الفنان درويش صيرفي.. ضيف صباح العربية


.. -بحب الاستعراض من صغري-.. غادة عبد الرازق تتحدث عن تجربتها ف



.. أمسيات شعرية - الشاعرة سنية مدوري- مع السيد التوي والشاذلي ف