الحوار المتمدن - موبايل
الموقع الرئيسي


من قصائد الاستاذ الراحل عبد الاخوة التميمي قصيدة ( حوار بين شهيد وامه )

نزار عبد الاخوة التميمي

2008 / 5 / 20
الادب والفن


في احد ايام الحرب العراقية الايرانية وتحديداً في يوم 6/3/1986 حيث كنا ذاهبين الى احد اقاربنا في بغداد وعند وصولنا الى منطقة سكناهم (بغداد الجديدة) صادفنا بالطريق ويسير امامنا في السيارة منظر مؤلم جدا حيث كانت سيارة التكسي تحمل نعش احد الشهداء الذي استشهد في تلك الحرب الغبية حيث كان التابوت ملفوف بالعلم العراقي ولا نعلم اين يتجه سائق التكسي بهذا النعش ولكن كنا نسير خلفه حيث نفس المنطقة التي يسكن فيها قريبنا وتشاء الصدف ان يقف سائق التكسي في البيت المجاور لاقربائنا وكان المنظر المؤلم جدا والمبكي في نفس الوقت حيث خرجت (ام الشهيد) واخته وقمن بنثر الشعر والصياح الذي بقت اصدائه ترن في رأس والدي (رحمه الله) حيث لم نذهب الى اقربائنا في تلك اللحظة من شدة الصدمة والالم ورجعنا الى بيتنا ولم يكلم احدنا الاخر الى ان وصلنا البيت لان في تلك اللحظة تنتهي جميع الكلمات والتعابير, وعند وصولنا الى البيت ذهب والدي (رحمه الله) الى غرفته وقام بكتابة قصيدته.

(( حوار بين شهيد وامه ))

الابن..
يمه شگيلي الچفن وانطيني الوساده
تراني حيّ اظل وياچ شباب امطبّع ابعاده
المصيبه الجرت يمه وياي
لونهه ويا الرضيع يگطع امهاده
او لونهه جرت ويه عالم
ترك علمه ييمه والجهل راده
او لونهه تصير حتى وياچ
وانتي ام اومشفجة ونار وهاجه
چا عفتي الولد والمال والراح وبعد ماجه
يمه خليني ارد ادوس وياچ حيييييل
وادلل عليچ اوروحي ملتاجه
واگول اشّفت من دنياي
مثل مشحوف روجه اتوصله لروجه
يمه حسبوني شهيد عليچ
تهني بالفلوس وماعليچ الراح والماجه
********

الام...
يمه شتهنه بغيابك
صدگ تمشي وما ترد
يمه كل شوفه من اشوفك
تسوه كل فلوسهم وشما تعد
يمه ما اگدر ادفنك بالگبر واجفي وارد
يمه واحفرلي لحد وياك
حتى ماشوف الشباب المثلك يروح ويرد
او حتى ارضعك بالگبر وارجي تعود
وآنه مابيه بعد احبل ولد
الابن...
يمه خليني بهمومي لايعن همچ عليّه
آنه عفت الدنيا كلهه الزاهية الحلوة البهية
بس اريد الچفن ينشگ واشتم الريحه الزكية
منچ وحگي شباب وما شفت غير المنيه
او لاتكتبين اعلى گبري غير دمعاتچ عليّه
واني ادري بيچ شفجة بس اخاف المال والدنية غوية
********

الام...
يمه اقسم بالربه وليل السهرته
يبني تدري آنه ويه لحدك چبدي يوليدي دفنته
المال من بعدك مريده اومن عفتني كله عفته
چنت اباهي الناس بيك
او تالي دوخت الطرف والهم شربته
وگلّي چا شنسه بغيابك
واسمك بگلبي حفرته
استراح بگبرك انته ونام
واني عاهدت الالم والهم رضعته
وآنه مثل البوم عشگني الليالي
والفرح يمك دفنته
يمه واليوم الولدتك بيه
اوچنت اگول الخير جبته
وتالي هلهولات عرسك
نامن ابگلبي اوحفرته
وتدري ربيتك عذاب آنه وزماني
مره ياخذني واعتّه
وتالي يوليدي تگص چبدي وتروح
او بيتي كله وياك شلته.. بيتي كله وياك شلته





التعليق والتصويت على الموضوع في الموقع الرئيسي


اخر الافلام

.. موسيقى الجاز.. جسر لنشر السلام وتقريب الثقافات بين الشعوب


.. الدكتور حسام درويش يكيل الاتهامات لأطروحات جورج صليبا الفكري



.. أسيل مسعود تبهر العالم بصوتها وتحمل الموسيقى من سوريا إلى إس

.. فنانو الشارع يُحوِّلون العاصمة الإسبانية مدريد إلى رواق للفن



.. كريم السبكى: اشتغلنا على فيلم شقو 3 سنوات