الحوار المتمدن - موبايل
الموقع الرئيسي


أحله ورده

حسين جهيد الحافظ

2008 / 6 / 24
الادب والفن


إلى تلك الزنجية الإنسانة (( ضوية )) بعد أن مر بيّ طيفها معاتباً
بعد طول فراق دام إلى ........ الآن .
الجمعة – 20/حزيران / 2008
حسين جهيد الحافظ

چان أبوي......
من بربد اِبصبحهه ,, الحلوه الوصيفه
وجدتي .....
اِتسميهه ,, عبده الآدميه
وچان شيياب المحله ...
اِيسمونهه ,, بالأريحيه
الجاره ... الجاره العزيزه
اِتصيحهه چانت زكيه
والطرف كل الطرف
چان يوصفهه الوفيه
وآنه ....
آنه ,, أسميهه الضوه
ما أسميهه ضويه
الوجه شامة محنه
والخدود اِتفوح حنيه
ويا حنان العدهه بويه
اِيكفي دنيه
صدگ سودة لون ... لكن گلب أبيض
للمهر ينصاغ چفيه
اِلسانهه اِمطرز محبه
گمره تضوي .....
من تگول اِبشوگ خيّه
وآخ لو گالت يديّه
اِهلال عيد الله الچبير
ويشرگ اِبعاشور ضيّه
ومن تسولف ... مو تسولف
تطش الليل گمريه
تنجمع كل الزرازير اِبحضنهه
من تلولي
ومن تغنّي
اِتغازل اِنجوم الثريه
يا بِطل حيلي ...
اِعله شفتهه حنين
وشوگ يا سوده عليه
ويمكن الله من خلقهه
زرع حب الناس كل الناس بيهه
وزود اِعله القاط ميه
عجز اليوصف وصفهه
اِمن السمه نزلت هديه
خلگ راهب ....
غوه اِحديثه وطبع شاعر
نزفت اِجروحه فصيده
شالت الحب أبجديه
اِنجمعت أوصاف الطبيعه
اِبشوگ بيهه وزود هيه
طيب برحي وعطر جوري
ريحة الجمار والعگيد ...
والبردي وحلاته وحسن نيه
جادلوني اِشكثر بيهه
هذا من باب التفاضل
وذاك من باب التقيه
وگال واحد : -
( لا تشتري العبد إلا ...... )
گالهه واِبكل رهاوه وعصبيه
گتله آنه : -
( الناس همه اِثنين من رب البريه
لو أخو بالدين اِلك
لو نظيرك بالخلق ) نفس السجيه
گال واهم ...
هذا حچييك بيه تطرف
گتله أ قبل لوأذيه
لأن بيهه .. شقت أمّي
وشفت أختي والحبيبه
وشفت عالم ..
عالم اِمفتح حديقه
أشجارهه اِمنوره و زهيه
بيهه من كل لون ورده
وعطر بيهه
وشكلت بالحب مزهريه
أحله ورده بيهه چانت
وردة السوده – العفو –
................. الحره ضويه





التعليق والتصويت على الموضوع في الموقع الرئيسي


اخر الافلام

.. الجزائر.. -الفقيرات- موسيقى تضم تواشيح دينية وأغاني تراثية


.. مباحث التمثيل قبضوا عليهم?? الكوميديا في مسلسل مين اللي صاحب



.. مؤلف فيلم السرب : تحضير الفيلم استغرق وقت طويل.. عمر عبد ال

.. لماذا قاطع طلاب خطاب الممثل جيري ساينفيلد؟ • فرانس 24 / FRAN



.. عادل إمام: أحب التمثيل جدا وعمرى ما اشتغلت بدراستى فى الهندس